ନୟାଗଡ଼: କାର୍ଯ୍ୟାନୁଷ୍ଠାନ ଓ କ୍ଷତିପୂରଣ ଦାବିରେ ତାତିଲେ ଲୋକେ । ପ୍ରତିବାଦରେ ରାସ୍ତାରୋକ ମଧ୍ୟ କରିଥିଲେ ସ୍ଥାନୀୟ ଲୋକେ । ନୟାଗଡ଼ ଲେଙ୍କୁଡ଼ିପଡ଼ା ନିକଟରେ ଏକ ଦୁର୍ଘଟଣାରେ ମୃତ୍ୟୁବରଣ କରିଥିବା ପରିବାରକୁ କ୍ଷତିପୂରଣ ଓ ଦୁର୍ଘଟଣା ଘଟାଇଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ରାସ୍ତାରୋକ କରିଥିଲେ ଗ୍ରାମବାସୀ l ଜଣେ ମଦ୍ୟପ ବାଇକ ଚାଳକ ସାଇକେଲ ଆରୋହୀଙ୍କୁ ଧକ୍କା ଦେଇଥିଲା । ଫଳରେ ସାଇକେଲ ଚାଳକ ଆହତ ହୋଇଥିଲେ । ଫଳରେ ତାଙ୍କୁ ମେଡିକାଲରଇ ଭର୍ତ୍ତି କରାଯାଇଥିଲା ।ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ମୃତକଙ୍କ ଗାଁ ଲୋକେ ଉତ୍ୟକ୍ତ ହୋଇ ଜାମୁଝୋଲା ଠାରେ ନୟାଗଡ଼ ଶରଣକୁଳ ରାସ୍ତାରେ ମୃତଦେହ ରଖି ଅବରୋଧ କରିଥିଲେ l ମୃତକଙ୍କ ପରିବାରକୁ କ୍ଷତିପୂରଣ ଓ ଦୁର୍ଘଟଣା ଘଟାଇଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଏହି ରାସ୍ତାରୋକ କରାଯାଇଥିଲା l ପରେ ସ୍ଥାନୀୟ ପୋଲିସ ପହଞ୍ଚି ବୁଝାସୁଝା କରିବାରୁ ରାସ୍ତାରୋକ ହଟିଥିଲା l ତେବେ ମୃତକ ଜଣକ ହେଲେ ଜାମୁଝୋଲାର ସନିଆ ବେହେରା l ସେ ଶ୍ରମିକ ଭାବେ କାର୍ଯ୍ୟକରି ଘରକୁ ଫେରିବା ସମୟରେ ଏହି ଦୁର୍ଘଟଣା ହୋଇଥିଲା l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
