ଜୁଆ ଆଡ୍ଡାରେ ଚଢାଉ, 15 ହଜାରରୁ ଅଧିକ ଟଙ୍କା ଜବତ

ନୟାଗଡରେ ଜୁଆ ଆଡ୍ଡା ଉପରେ ଚଢାଉ । 15 ହଜାରରୁ ଅଧିକ ଟଙ୍କା ଜବତ । ଦୁଇଟି ଜୁଆଡି ଗ୍ରୁପ୍‌ ଗିରଫ ।

ନୟାଗଡ: ଜୁଆ ଆଡ୍ଡା ଉପରେ ଚଢାଉ । ଦୁଇଟି ଜୁଆଡି ଗ୍ରୁପ୍‌କୁ ବାନ୍ଧି ନେଲା ପୋଲିସ । ଖସିଗଲେ ଗୋଟିଏ ଗ୍ରୁପ୍‌ । ବାଉଁସିଆପଡା ଗ୍ରାମ ନିକଟ କୁସୁମୀ ନଦୀ ବନ୍ଧ ଉପରେ ଜୁଆଖେଳ ଚାଲିଥିବା ଖବର ପାଇ ପୋଲିସ ଚଢାଉ କରିଥିଲା ।

ଚଢାଉ ସମୟରେ ସେମାନଙ୍କ ନିକଟରୁ 15 ହଜାରରୁ ଅଧିକ ଟଙ୍କା ସହ ମୋବାଇଲ ଜବତ ହୋଇଛି । ଏହା ସହ ଚଢାଉ ସମୟରେ ଖସି ଯାଇଥିବା ଅନ୍ୟ ଏକ ଗ୍ରୁପ୍‌କୁ ପୋଲିସ ଖୋଜୁଥିବା ଜଣାପଡିଛି । ତେବେ ଏହି ଜୁଆାଡି ମାନେ ବିଭିନ୍ନ ଚୋରି ଓ ରାହାଜାନୀ କାର୍ଯ୍ୟକଳାପରେ ଲିପ୍ତ ଥିବା ସୂଚନା ରହିଛି ।

ନୟାଗଡରୁ ଉତ୍ପଳ ସାହୁ, ଇଟିଭି ଭାରତ