ନୟାଗଡ଼: ଜନ୍ମଦିନ ପାଳନ ପାଇଁ ପ୍ରସ୍ତୁତି ଚଳାଇଥିବାବେଳେ ଚଢାଉ କଲା ପୋଲିସ । ନୟାଗଡ଼ ଜିଲ୍ଲା ଟାଉନଥାନା ଅନ୍ତର୍ଗତ ହାଉସିଂବୋର୍ଡ଼ କଲୋନୀ ଠାରେ ଆଜି(ମଙ୍ଗଳବାର) କିଛି ଯୁବକ ଏକାଠି ହୋଇ ଜନ୍ମଦିନ ପାଳନ କରିବା ପାଇଁ ପ୍ରସ୍ତୁତି ଚଳାଇଥିଲେ l ଏହି ଯୁବକମାନେ କୋଭିଡ଼ ନିୟମ ଭୁଲି ଏକାଠି ହୋହାଲ୍ଲା କରୁଥିବା ଖବର ପାଇ ନୟାଗଡ଼ ଟାଉନଥାନା ଏସଆଇ ଧର୍ମେନ୍ଦ୍ର ଶିଆଳ ଚଢ଼ାଉ କରିଥିଲେ ।
ଚଢ଼ାଉ ସମୟରେ ହାଉସିଂବୋର୍ଡ଼ ଠାରେ ପ୍ରାୟ ୨୦ରୁ ୨୫ ଯୁବକ ଏକାଠି ବିରିୟାନି ପ୍ରସ୍ତୁତ କରିବା ସହ କେକ୍ କାଟିବା ପାଇଁ ସଜବାଜ ହେଉଥିବା ବେଳେ ପୋଲିସକୁ ଦେଖି ଯୁବକମାନେ ବାଇକ ଛାଡ଼ି ପଳାୟନ କରିଥିଲେ l
ପୋଲିସ ଚଢ଼ାଉ ଯୋଗୁଁ ଯୁବକମାନଙ୍କ ଜନ୍ମଦିନ ପାଳନ ଅଧୁରା ରହିଥିବା ଜଣାପଡ଼ିଛି । ପୋଲିସ ରନ୍ଧା ସରିଥିବା ବିରିୟାନୀକୁ ଫୋପାଡି ଦେବା ସହ ହୋହାଲ୍ଲା କରୁଥିବା ଯୁବକଙ୍କୁ ଚେତାବନୀ ଦେଇ ଛାଡ଼ିଥିବା ଜଣାଯାଇଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
