ନୟାଗଡ଼: ୧୬ ନଂ ଜାତୀୟ ରାଜପଥରେ ପୁଣି ଦୁର୍ଘଟଣା। ଚାନ୍ଦପୁର ନିକଟସ୍ଥ ଓସକେଇଖୋଲ ଛକ ନିକଟରେ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି l ମୃତକ ହେଉଛନ୍ତି ଚାନ୍ଦପୁର ଥାନା ଓସ୍ତପଡା ଗ୍ରାମର ସୁଦର୍ଶନ ସାହୁ । ଏକ ଇନୋଭା ତାଙ୍କୁ ଧକ୍କା ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି ।
ନୟାଗଡ଼ ଜିଲ୍ଲା ଚାନ୍ଦପୁର ନିକଟସ୍ତ ଓସକେଇ ଖୋଲ ଛକରେ ଦୁର୍ଘଟଣା , ଜଣେ ମୃତ
ସୂଚାନୁସାରେ ଔରଙ୍ଗାବାଦରୁ ଏକ ପରିବାର ଇନୋଭା କାରରେ ପୁରୀ ଵୁଲିବାକୁ ଯାଉଥିବାବେଳେ ଚାନ୍ଦପୁର ନିକଟସ୍ଥ ଓସକେଇଖୋଲ ଛକ ନିକଟରେ ସୁଦର୍ଶନ ସାହୁଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ସୁଦର୍ଶନଙ୍କର ମୃତ୍ୟୁ ହୋଇଥିଲା । ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇବା ସହ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା । ସ୍ଥାନୀୟ ଲୋକଙ୍କ ରାସ୍ତା ଅବରୋଧ ଫଳରେ ରାଜପଥର ଶହ ଶହ ଗାଡି ଅଟକି ରହିଛି । ଖବର ପାଇ ଚାନ୍ଦପୁର ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଗାଡିକୁ ଜବତ କରିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
