ନୟାଗଡ: ବହୁ ଚର୍ଚ୍ଚିତ ନୟାଗଡ ନାବାଳିକା ହତ୍ୟାକାଣ୍ଡ ଘଟଣା । ଆଜି (ବୁଧବାର) LVA ଟେଷ୍ଟ ଉପରେ ଶୁଣାଣି କରିବେ ନୟାଗଡ଼ ଜୁଭେନାଇଲ ଜଷ୍ଟିସ ବୋର୍ଡ ।
ଯଦୁପୁର ନାବାଳିକା ହତ୍ୟାକାଣ୍ଡ ଘଟଣା
ପ୍ରଥମେ ନାର୍କୋ ଟେଷ୍ଟ, ବ୍ରେନ ମ୍ୟାପିଂ ପାଇଁ ଆବେଦନ କରିଥିଲା ଏସଆଇଟି l ଦୁଇଟିଯାକ ଟେଷ୍ଟ ପାଇଁ ଅଭିଯୁକ୍ତ ଅମଙ୍ଗ ହେବାରୁ ତାହା ଖାରଜ ହୋଇଥିଲା l ପରେ ଏସଆଇଟି ପୁଣି LVA ଟେଷ୍ଟ ପାଇଁ ଆବେଦନ କରିଥିଲା । ଆଜି ଏହାର ଶୁଣାଣି କରିବ ନୟାଗଡ଼ ଜୁଭେନାଇଲ ଜଷ୍ଟିସ ବୋର୍ଡ । ଅନୁଗୋଳ ବାଳ ସୁଧାର ଗୃହରୁ ସୁରକ୍ଷା ବଳୟ ଭିତରେ ନୟାଗଡ଼ ଜୁଭେନାଇଲ ଜଷ୍ଟିସ ବୋର୍ଡରେ ଚତୁର୍ଥ ଥର ପାଇଁ ହାଜର ହୋଇଛି ଅଭିଯୁକ୍ତ ।
ପ୍ରକାଶ ଥାଉକି, ନୟାଗଡ ଜିଲ୍ଲା ଯଦୁପୁରର ପ୍ରଥମେ ନାବାଳିକା ନିଖୋଜ ହେବା ଓ କିଛି ଦିନ ପରେ ଗାଁ ପୋଖରୀରୁ ମୃତଦେହ ମିଳିବା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇଥିଲା । ଘଟଣାରେ ସେହି ଗାଁର ଜଣେ ନାବାଳକ ଅଭିଯୁକ୍ତକୁ ଗିରଫ କରିଥିଲା ପୋଲିସ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
