ନୟାଗଡ: ବହୁ ଚର୍ଚ୍ଚିତ ନୟାଗଡ ନାବାଳିକା ହତ୍ୟା ଘଟଣାର ପରବର୍ତ୍ତୀ ଶୁଣାଣି ଆସନ୍ତା 19ରେ ହେବ l SIT ପକ୍ଷରୁ କରାଯାଇଥିବା ଲେଅର ଭଏସ ଆନାଲିସିସ ଟେଷ୍ଟ ଉପରେ ଚିଲଡ୍ରେନ କୋର୍ଟ ବିଚାର କରି ଆସନ୍ତା 19 ତାରିଖକୁ ଏହାର ଶୁଣାଣି ପାଇଁ ଦିନ ଧାର୍ଯ୍ୟ କରାଯାଇଥିବା ସୂଚନା ମିଳିଛି l
ଏପଟେ ଅଭିଯୁକ୍ତ ପାଖରୁ ଜବତ ହୋଇଥିବା ମୋବାଇଲ, ସୀମ କାର୍ଡ ଓ ମେମରିଚିଫକୁ ଅଧିକ ପରୀକ୍ଷା ପାଇଁ ପୂର୍ବରୁ କଲିକତା CFL କୁ ପଠାଯାଇଥିଲା । କିନ୍ତୁ ସେଠାରେ ପରୀକ୍ଷା ପାଇଁ ସମସ୍ତ ସୁବିଧା ନଥିବାରୁ ବର୍ତ୍ତମାନ ଜବତ ସାମଗ୍ରୀଗୁଡିକୁ ଗୁଜୁରାଟ CFLକୁ ପଠାଯାଇଛି । ଯେହେତୁ ଆଗରୁ ପାଟଣାଗଡ଼ ବମ୍ ବ୍ଲାଷ୍ଟରେ ଅଭିଯୁକ୍ତର ମୋବାଇଲକୁ ଗୁଜୁରାଟ ପଠାଯାଇଥିଲା l ଏହାକୁ ଭିର୍ତ୍ତିକରି ଅଭିଯୁକ୍ତ ଠାରୁ ଜବତ ହୋଇଥିବା ସାମଗ୍ରୀକୁ ପରୀକ୍ଷା ପାଇଁ ଗୁଜୁରାଟ ପଠାଯାଇଥିବା ସରକାରୀ ଓକିଲ କହିଛନ୍ତି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
