ନୟାଗଡ଼: ମଦ ବେପାରୀଙ୍କୁ ଲାଞ୍ଚ ମାଗିବା ପଡ଼ିଲା ମହଙ୍ଗା । ଅଡିଓ ଭାଇରାଲ ପରେ କାର୍ଯ୍ୟାନୁଷ୍ଠାନ । ଚାକିରୀରୁ ନିଲମ୍ବିତ ହେଲେ ନୟାଗଡ଼ ଅବକାରୀ କନେଷ୍ଟବଳ ପ୍ରଦୀପ୍ତ ନାୟକ । ମଦ ବେପାରୀଙ୍କୁ ଲାଞ୍ଚ ମାଗିବା ଅଭିଯୋଗରେ ନୟାଗଡ଼ ଜିଲ୍ଲାପାଳ ରବୀନ୍ଦ୍ରନାଥ ସାହୁ ନିଲମ୍ବନ ନିର୍ଦ୍ଦେଶ ଦେଇଛନ୍ତି ।
ସୂଚନା ଅନୁସାରେ, ନୟାଗଡ଼ ଅବକାରୀ କନେଷ୍ଟବଳ ପ୍ରଦୀପ୍ତ ନାୟକ ଖଣ୍ଡପଡାର ଜଣେ ମଦ ବେପାରୀଙ୍କୁ ଚୋରାରେ ଦେଶୀ ମଦ ବ୍ୟବସାୟ କରିବା ପାଇଁ 1ଲକ୍ଷ ଟଙ୍କା ଲାଞ୍ଚ ମାଗିଥିଲେ । କିଛି ଦିନ ପୂର୍ବେ ଅଡ଼ିଓ ଭାଇରାଲ ହେଲା ପରେ ପୋଲିସ କାର୍ଯ୍ୟକୁ ନେଇ ପ୍ରଶ୍ନ ଉଠିଥିଲା । ନୟାଗଡ଼ ଜିଲ୍ଲାରେ ଚୋରା ମଦବେପାର ବୃଦ୍ଧି ପାଉଥିବା ବେଳେ ପୋଲିସ ଏହାକୁ ରୋକିବା ପରିବର୍ତ୍ତେ ପ୍ରସୟ ଦେଉଥିଲା ।
ଏହା ମଧ୍ୟ ପଢ଼ନ୍ତୁ: ନୟାଗଡ଼ରେ ସଫେଇ କର୍ମଚାରୀଙ୍କ କାର୍ଯ୍ୟବନ୍ଦ ଆନ୍ଦୋଳନ, ସହରରେ ଜମିରହିଲାଣି କୁଢ଼ କୁଢ଼ ଆବର୍ଜନା
ଯାହାର ଅଭିଯୋଗ ହେବା ପରେ ତଦନ୍ତ କରାଯାଇ ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଇଛି । ଏହି ଘଟଣାରେ ସମ୍ପୃକ୍ତ ଅବକାରୀ SI ହଟିଆ ବେହେରାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଜିଲ୍ଲାପାଳ ସୁପାରିସ କରିଛନ୍ତି । ଜିଲ୍ଲାରେ ମଦ ବେପାର ବୃଦ୍ଧି ପାଉଥିବାବେଳେ, ଜିଲ୍ଲା ପୋଲିସ ଏହାକୁ ରୋକିବାରେ ଫେଲ ମାରିଥିବା ସାଧାରଣରେ ଚର୍ଚ୍ଚା ହେଉଛି ।
ଇଟିଭି ଭାରତ, ନୟାଗଡ଼
