ନୟାଗଡ଼: ପୁଣି ଥରେ ନୟାଗଡ ଜିଲ୍ଲାରେ ଆଉ ଜଣେ ନାବାଳିକା ନିଖୋଜ । ଗାଁ ଦାଣ୍ଡରୁ ନିଖୋଜ ହୋଇଛି ଆଉ ଏକ 6 ବର୍ଷର କୁନି ଝିଅ । ଏଭଳି ଅଭିଯୋଗ ଆସିଛି ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ବାଣୀଗୋଛା ଥାନା ନୂଆଗାଁ ପଞ୍ଚାୟତ ଧୁନ୍ଦୁଲିଗାଡ଼ିଆ ଗାଁ ରୁ । ଏହି ଗାଁର କୁନା ନାୟକଙ୍କ 6 ବର୍ଷୀୟା ନାବାଳିକା ଝିଅ ଗାଁ ଦାଣ୍ଡରେ ଖେଳୁଥିବା ବେଳେ ହଠାତ ନିଖୋଜ ହୋଇଥିବା ଅଭିଯୋଗ ହୋଇଛି ।
ମିଳିଥିବା ସୂଚନା ଅନୁସାରେ ଗତ 12 ତାରିଖ ସକାଳେ ଗାଁ ଦାଣ୍ଡରେ ଖେଳୁଥିଲା ନାବାଳିକା ଜଣଙ୍କ। ତେବେ ନାବାଳିକାର ବାପା କାମ ସାରି ଫେରିବା ପରେ ଝିଅକୁ ଦେଖିବାକୁ ପାଇ ନ ଥିଲେ । ନାବାଳିକାଙ୍କ ସହ ଖେଳୁଥିବା ଅନ୍ୟ 2 ନାବାଳିକା ମଧ୍ୟ ନିଖୋଜ ସମ୍ପର୍କରେ ସଠିକ ଭାବେ କହି ପାରି ନଥିଲେ । ତେବେ ବହୁ ଖୋଜାଖୋଜି କରିବା ପରେ ନାବାଳିକାର ପତ୍ତା ନ ମିଳିବାରୁ ଏନେଇ ବାଣୀଗୋଛା ଥାନାରେ ଲିଖିତ ଅଭିଯୋଗ କରିଛନ୍ତି ନିଖୋଜ ନାବାଳିକାର ବାପା କୁନା ନାୟକ। ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଥିବାବେଳେ ଏପର୍ଯ୍ୟନ୍ତ ନାବାଳିକା ଜଣଙ୍କୁ ଠାବ କରାଯାଇ ପାରିନାହିଁ । ପୋଲିସ ସନ୍ଧାନୀ କୁକୁର ସହ ପୋଖରୀ ଗଡ଼ିଆ ଖୋଜାଖୋଜି କରୁଛି । ମାତ୍ର ନାବାଳିକାଙ୍କର ଏଯାଏ ପତ୍ତା ମିଳିପାରିନାହିଁ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
