ପୋଖରୀରେ ବୁଡ଼ି ନାବାଳକ ମୃତ

ପୋଖରୀରେ ବୁଡି ନାବାଳକ ମୃତ । ମୃତ ନାବାଳକ ହେଲେ ପୁଷ୍କର ପରିଡାଙ୍କର ୮ବର୍ଷର ପୁଅ ଦୀପଙ୍କର ପରିଡ଼ା । ଅଧିକ ପଢ଼ନ୍ତୁ

ନୟାଗଡ଼ : ପୋଖରୀରେ ବୁଡି ନାବାଳକ ମୃତ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ ଜ଼ିଲ୍ଲା ରଣପୁର ଥାନା ଅନ୍ତର୍ଗତ ପିମ୍ପଲ ଗ୍ରାମରେ । ମୃତ ନାବାଳକ ହେଲେ ପିମ୍ପଲ ଗାଁର ପୁଷ୍କର ପରିଡାଙ୍କର ୮ବର୍ଷର ପୁଅ ଦୀପଙ୍କର ପରିଡ଼ା । ନିକଟସ୍ଥ ପୋଖରୀକୁ ଗାଧୋଇଵାକୁ ଯାଇଥିବାବେଳେ ଦୀପଙ୍କର ପୋଖରୀରେ ବୁଡିଯାଇଥିଲେ ।

ଖବରପାଇ ପରିବାର ଲୋକେ ପୁଅକୁ ପୋଖରୀରୁ ଉଦ୍ଧାର କରି ସଙ୍ଗେ ସଙ୍ଗେ ନିକଟସ୍ଥ ରଣପୁର ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ପୁଅର ମୃତ୍ୟୁରେ ପରିବାରରେ ଶୋକର ଛାୟା ଖେଳିଯାଇଥିବା ବେଳେ ପରିବାର ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି ହୋଇଛି l

ଇଟିଭି ଭାରତ, ନୟାଗଡ଼