ନୟାଗଡ଼: ଖୁସି ମନାଇବାକୁ ଯାଇ ନୟାଗଡରେ କୋରୋନାକୁ ନିମନ୍ତ୍ରଣ । ଖୋଦ ଉଚ୍ଚଶିକ୍ଷା ଓ କୃଷି ମନ୍ତ୍ରୀ ତଥା ନୟାଗଡ ବିଧାୟକ ଅରୁଣ ସାହୁ ସାମିଲ ହୋଇ କୋରୋନାକୁ ନିମନ୍ତ୍ରଣ କରୁଥିବା ଦେଖିବାକୁ ମିଳିଛି । ମୁଖ୍ଯମନ୍ତ୍ରୀ ଇଣ୍ଡୋର ଷ୍ଟାଡିୟମ ପାଇଁ ଅର୍ଥ ମଞ୍ଜୁର କରିବା ପରେ ନୟାଗଡରେ ଅନୁଷ୍ଠିତ ଏକ ଧନ୍ୟବାଦ ସଭାରେ କୋରୋନା ନିୟମକୁ ଫୁ ।
ନୟାଗଡ଼ ମ୍ୟୁନିସପାଲଟି ଅଞ୍ଚଳରେ ଏକ ଇନଡୋର୍ ଷ୍ଟାଡିୟମ ପାଇଁ 10 କୋଟି ଟଙ୍କା ମଞ୍ଜୁର ହେବା ପରେ ଶତାଧିକ ଦଳୀୟ କର୍ମୀଙ୍କୁ ଏକାଠି କରି ମୁଖ୍ୟମନ୍ତ୍ରୀଙ୍କ ଜୟଗାନ କରାଇଛନ୍ତି ମନ୍ତ୍ରୀ ଅରୁଣ ସାହୁ । ସଭାରେ ସାମାଜିକ ଦୂରତାକୁ କାହାରି ଖାତିର ନ ଥିବାବେଳେ କେତେକ ମାସ୍କ ପିନ୍ଧିଛନ୍ତି ତ ଆଉ କେତେକ ପିନ୍ଧିନଥିବା ଦେଖିବାକୁ ମିଳିଛି । ତେବେ ସାଧାରଣ ଲୋକ ମାସ୍କ ନପିନ୍ଧିଲେ ପୋଲିସ ମୋଟା ଅଙ୍କର ଫାଇନ ଆଦାୟ କରିବା ସହ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ଏଠାରେ କାର୍ଯ୍ୟାନୁଷ୍ଠାନ କେବେ ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି ।
ଅନ୍ୟପଟେ ବିଗତ କିଛିଦିନ ତଳେ ଜଣେ ବାଇକ୍ ଆରୋହୀଙ୍କ ମାସ୍କ ଖସି ଯାଇଥିବାରୁ ନୟାଗଡ଼ ଟ୍ରାଫିକ ଛକରେ ଟାଉନ ଥାନା ସବ ଇନସ୍ପେକ୍ଟର ନିସ୍ତୁକ ମାଡ଼ ମରୁଥିବା ଭିଡିଓ ଭାଇରଲ ହୋଇଥିଲା । ମାତ୍ର ପୋଲିସ ଏଠାରେ ପୋଲିସ ଚୁପ କଣ ପାଇଁ ବୋଲି ପ୍ରଶ୍ନ ଉଠିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
