ନୟାଗଡ଼: ପୋଲିସ ପ୍ରଶାସନରେ ପୁଣି ଅଦଳବଦଳ କରାଯାଇଛି l ନୟାଗଡ଼ ଜିଲ୍ଲା ଆରକ୍ଷୀ ଅଧିକ୍ଷକ ସିଦ୍ଧାର୍ଥ କଟାରିଆ ଗୁରୁବାର ୧୧ଜଣ ପୋଲିସ ଅଧକାରୀଙ୍କୁ ଜିଲ୍ଲା ଭିତରେ ଅଦଳବଦଳ କରିଛନ୍ତି l
ଜିଲ୍ଲା ମୁଖ୍ୟାଳୟରେ ଥିବା ଇନସପେକ୍ଟର ପୂର୍ଣ୍ଣଚନ୍ଦ୍ର ପଟାୟତଙ୍କୁ ଶରଣକୁଳ ଥାନାକୁ ବଦଳି କରାଯାଇଥିବା ବେଳେ ଶରଣକୁଳ ଥାନାରେ ଥିବା ବିମଲ କୁମାର ମଲ୍ଲିକଙ୍କୁ ଗଣିଆ ଥାନାକୁ ବଦଳି କରାଯାଇଛି l ସେହିଭଳି ଇଟାମାଟି ଥାନାରେ ଥିବା ଇନସପେକ୍ଟର ଦୀପକ କୁମାର ଖଣ୍ଡାୟତରାୟଙ୍କୁ ନୟାଗଡ଼ ସଦର ଥାନାକୁ ବଦଳି କରାଯାଇଥିବା ବେଳେ ମୁଖ୍ୟାଳୟରେ ଥିବା ଇନସପେକ୍ଟର ବିଶ୍ବପ୍ରକାଶ ପଟ୍ଟନାୟକଙ୍କୁ ଡିସିଆରବି ଭାବେ ଦାୟିତ୍ବ ଦିଆଯାଇଛି l
ଏଏସଆଇ ଦିଲ୍ଲୀପ କୁମାର ସେଠୀଙ୍କୁ ଇଟାମାଟି ଥାନାକୁ ବଦଳି କରାଯାଇଥିବା ବେଳେ ଇଟମାଟି ଥାନାରେ ଏଏସଆଇ ପ୍ରଭାତ କୁମାର ସୁବୁଦ୍ଧିଙ୍କୁ ବାଣିଗୋଛା ଥାନାକୁ ବଦଳି କରାଯାଇଛି l ଇନସପେକ୍ଟର ନିଶାମଣି ମହାନ୍ତିଙ୍କୁ ଡିଏଚଆରପିସି ଭାବେ ଅବସ୍ଥାପିତ କରାଯାଇଛି । ଇନସପେକ୍ଟର ଚନ୍ଦ୍ରମଣି ହୋତାଙ୍କୁ ଡିଆଇବି ଦାୟିତ୍ବ ଦିଆଯାଇଛି l ଇଟାମାଟି ଥାନାରେ ଥିବା ବସନ୍ତ କୁମାର ସାହୁଙ୍କୁ ଇଟାମାଟି ଥାନାର ଭାରପ୍ରାପ୍ତ ଦାୟିତ୍ବ ଦିଆଯାଇଥିବା ବେଳେ ଗଣିଆ ଥାନାରେ ଥିବା ଥାନା ଅଧିକାରୀ ଜୟ ପ୍ରକାଶ ପରିଡାଙ୍କୁ ଦଶପଲ୍ଲା ଥାନାର ଭାରପ୍ରାପ୍ତ ଦାୟିତ୍ବ ଦିଆଯାଇଛି l ସେହିଭଳି ଚାନ୍ଦପୁର ଥାନାରେ ଥିବା ସଞ୍ଜୟ କୁମାର ମଲ୍ଲିକଙ୍କୁ ନୟାଗଡ ଥାନାକୁ ବଦଳି କରାଯାଇଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
