ନୟାଗଡ : କାମ ଦେଲାନି ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କ ଷ୍ଟାଣ୍ଡ l ବାଜି ମାରିନେଲେ ସ୍ୱାଧୀନ ପ୍ରାର୍ଥୀନୀ l ହାରିଲେ ବିଜେଡ଼ି ପ୍ରାର୍ଥୀନୀ l ନୟାଗଡ଼ ଜିଲ୍ଲା ଖଣ୍ଡପଡା ଏନଏସି (NAC)ରେ ସ୍ୱାଧୀନ ଅଧ୍ୟକ୍ଷା ପ୍ରାର୍ଥୀନୀ ଆରତୀ ପ୍ରଧାନ ବିଜେଡି ପ୍ରାର୍ଥୀନୀ କଲ୍ୟାଣୀ ଆଚାର୍ଯ୍ୟକୁ ପଛରେ ପକାଇ 786 ଭୋଟରେ ବିଜୟୀ ହୋଇଛନ୍ତି l
ତେବେ ସମୁଦାୟ 13ଟି ୱାର୍ଡରୁ 8ଟି ବିଜେଡି, ଗୋଟିଏରେ ବିଜେପି ଏବଂ 4 ଜଣ ସ୍ୱାଧୀନ କାଉନସିଲର ପ୍ରାର୍ଥୀ ବିଜୟୀ ହୋଇଛନ୍ତି l ସମୁଦାୟ 13 ରୁ ମାତ୍ର 8 ଟି କାଉନସିଲର ପଦବୀରେ ବିଜେଡ଼ିକୁ ସନ୍ତୁଷ୍ଟ ହେବାକୁ ପଡିଛି l ଏପରିକି ଅଧ୍ୟକ୍ଷା ପଦ ବିଜେଡ଼ି ହାତରୁ ଚାଲିଯାଇଛି l ଖଣ୍ଡପଡା ବିଧାୟକ ସୌମ୍ୟ ରଞ୍ଜନ ପଟ୍ଟନାୟକଙ୍କ କ୍ୟାମ୍ପେନିଂ ଭୋଟରଙ୍କ ଉପରେ କୌଣସି ପ୍ରଭାବ ପକାଇଲା ନାହିଁ ବୋଲି ଚର୍ଚ୍ଚା ହେଉଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
