ଦଣ୍ଡ ଯାତ୍ରାକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ, ୮ ଗିରଫ

ଦଣ୍ଡ ଯାତ୍ରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ । ସଂଘର୍ଷ ଏତେ ମାତ୍ରାରେ ବଢ଼ିଗଲା ଯେ ତାହା ହତ୍ୟାର ରୂପ ନେଇଥିଲା । ଅଧିକ ପଢ଼ନ୍ତୁ

ନୟାଗଡ଼ : ଦଣ୍ଡ ଯାତ୍ରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ ଓ ପରେ ହତ୍ୟା । ଏଭଳି ଘଟଣା ଘଟିଛି ନୟାଗଡ଼ରେ । ଅନ୍ୟପକ୍ଷରେ ଉକ୍ତ ଘଟଣାରେ ୮ ଜଣଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଛି । ସୂଚନାନୁସାରେ ନୟାଗଡ଼ରେ ଗତ ବୁଧବାର ବିଳମ୍ବିତ ରାତିରେ ଦଣ୍ଡଯାତ୍ରା ଚାଲିଥିଲା । ସେହି ସମୟରେ ଏହି ଯାତ୍ରାକୁ କେନ୍ଦ୍ର କରି ନୟାଗଡ଼ ଟାଉନ ଥାନା ଅଧିନ ଦୁର୍ଗାପ୍ରସାଦ ଏବଂ ଦେଉଳ ପଲ୍ଲୀ ଗାଁ ମଧ୍ୟରେ ଘଟିଥିଲା ଗୋଷ୍ଠୀ ସଂଘର୍ଷ ।

ଏହି ଗୋଷ୍ଠୀ ସଂଘର୍ଷରେ ଦୁର୍ଗା ପ୍ରସାଦ ଗାଁର ୨୮ ବର୍ଷୀୟ ନବୀନ ପରିଡ଼ା ନାମକ ଯୁବକଙ୍କୁ ଦେଉଳ ପଲ୍ଲୀ ଗାଁର ଲୋକମାନେ ହତ୍ୟା କରିଥିବା ଅଭିଯୋଗ ହୋଇଥିଲା । ଏପରିକି ପୋଲିସ ଅଧିକାରୀଙ୍କୁ ମଧ୍ୟ ମରଣାନ୍ତକ ଆକ୍ରମଣ ହୋଇଥିଲା l ଏଥିରେ ଆଇଆଇସି ମଧ୍ୟ ଆହତ ହୋଇଥିଲେ । ତେବେ ଏହି ଘଟଣାରେ ଗତକାଲି ପୋଲିସ ଦେଉଳ ପଲ୍ଲୀ ଗାଁର ୮ଜଣଙ୍କୁ ଥାନାରେ ଅଟକ ରଖିଥିଲା । ସେମାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ