ନୟାଗଡ଼: କୁସୁମୀ ନଦୀ ସୁନାଲଟି ଠାରେ ବ୍ୟାରେଜ ନିର୍ମାଣ ପାଇଁ ଶିଳାନ୍ୟାସ କରାଯାଇଛି । ନୟାଗଡ ବିଧାୟକ ତଥା କୃଷିମନ୍ତ୍ରୀ ଅରୁଣ ସାହୁ ଏହି ଶିଳାନ୍ୟାସ କରିଛନ୍ତି । ଏହି ବ୍ୟାରେଜ ଦ୍ବାରା ନୟାଗଡ଼ ବ୍ଲକର 2 ହଜାର ହେକ୍ଟର , ଖଣ୍ଡପଡା ଓ ଭାପୁର ବ୍ଲକର 1 ହଜାର ହେକ୍ଟରରେ ଜଳସେଚନ ସୁବିଧା ମିଳିବ ।
ପ୍ରାଥମିକ ପର୍ଯ୍ୟାୟରେ ଏହି ବ୍ୟାରେଜ ପାଇଁ 67 କୋଟି ଟଙ୍କା ମଞ୍ଜୁର ହୋଇଥିବା ବେଳେ ନଦୀ ଉପରେ 100 ମିଟର ଲମ୍ବର ଏକ ବନ୍ଧ ତିଆରି ହେବ । ଏହି ଶିଳାନ୍ୟାସ ଉତ୍ସବରେ ନୟାଗଡ଼ ଜିଲ୍ଲାର ଚାରି ବିଧାୟକଙ୍କ ସମେତ ଜିଲ୍ଲାପାଳ, କେନ୍ଦ୍ରାଞ୍ଚଳ ଆରଡିସି ଓ ସାଧାରଣ ଜନତା ସାମିଲ ହୋଇଥିଲେ ।
ନୟାଗଡ଼ ଜିଲ୍ଲା ପାହାଡିଆ ଓ ସମତଳ ଅଞ୍ଚଳକୁ ନେଇ ଗଠିତ। କିନ୍ତୁ ଏହି ଜିଲ୍ଲାର ସୀମାନ୍ତରେ ମହାନଦୀ ପ୍ରାୟ 80 କିମି ଧରି ଥିବା ବେଳେ, କୁସୁମୀ ଓ କୁଆଁରୀୟା ଦୁଇଟି ନଦୀ ସହ ଅନେକ ଛୋଟ ନାଳ ମଧ୍ୟ ପ୍ରବାହିତ ହେଉଛି । ଏଠାକାର ଲୋକଙ୍କ ଚାଷ ପ୍ରଧାନ କାର୍ଯ୍ୟ ହୋଇଥିଲେ ମଧ୍ୟ ହେଲେ ବର୍ଷା ପାଣି ଛାଡିଦେଲେ, ଏଠାରେ ଜଳସେଚନର ସୁବିଧା କରାଯାଇନଥିଲା । ଦୀର୍ଘ ବର୍ଷର ଦାବି ପରେ କୁସୁମୀ ନଦୀ ଉପରେ ସୁନାଲଟି ଠାରେ ଏହି ବ୍ୟାରେଜ ନିର୍ମାଣ କରାଯିବ ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
