ନୟାଗଡ଼: ମାତିଛି ଦନ୍ତା । ସମଗ୍ର ଅଞ୍ଚଳରେ ଆତଙ୍କ ଖେଳାଇଛି । ଘଟଣାଟି ନୟାଗଡ଼ ଜିଲ୍ଲା ଵାଣିଗୋଚ୍ଛା ପଶ୍ଚିମ ବନାଞ୍ଚଳ ଅଧୀନ ବୁଗୁଡା କଲୋନୀର। ଗାଁର ଏକ ଖଳାରେ ଥିବା 300 ବିଡ଼ା ଧାନ କଳେଇ ଖାଇଯାଇଛି ହାତୀ । ଵାଣିଗୋଚ୍ଛା ପଶ୍ଚିମ ବନାଞ୍ଚଳ ବୁଗୁଡ଼ା ଗାଁର ନୀଳମଣି ମାଝି ନିଜ ବିଲରୁ ୩୦୦ ଧାନ କଳେଇ ଆଣି ଖଳାରେ ରଖିଥିବାବେଳେ ମହାନଦୀ ବନ୍ୟପ୍ରାଣୀ ଅଭୟାରଣ୍ୟ ଅଞ୍ଚଳରୁ ଏକ ଦନ୍ତାହାତୀ ଧାନ ଖାଇଦେଇଥିବା ଦେଖିବାକୁ ମିଳିଛି l
ଦନ୍ତା ଖାଇଗଲେ 300 ବିଡାଧାନ, କ୍ଷୟକ୍ଷତିର ଆକଳନ କଲା ବନବିଭାଗ
ତେବେ ନୀଳମଣି ଏନେଇ ସ୍ଥାନୀୟ ବନ ବିଭାଗକୁ ଅବଗତ କଲା ପରେ ବନ କର୍ମଚାରୀମାନେ ଆସି କ୍ଷୟକ୍ଷତିର ଆକଳନ କରିଥିଲେ । ତେବେ କ୍ଷୟକ୍ଷତି ଆକଳନ ପରେ କ୍ଷତିଗ୍ରସ୍ତ ଚାଷୀଙ୍କୁ ଉପଯୁକ୍ତ କ୍ଷତିପୂରଣ ଦିଆଯିବ ବୋଲି ଵାଣିଗୋଚ୍ଛା ବନ୍ୟପ୍ରାଣୀ ବନାଞ୍ଚଳ ଅଧିକାରୀଙ୍କ ଠାରୁ ସୂଚନା ମିଳିଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
