ନୟାଗଡ: 2 କୁଇଣ୍ଟାଲ ହରିଣ ମାଂସ ସହ ଅଟୋ ଚାଳକକୁ ଗିରଫ କଲା ନୟାଗଡ଼ ବନ ବିଭାଗ । ଟାଉନ ଥାନା ପୋଲିସ ଭଞ୍ଜନଗର-ନୟାଗଡ଼ ରାସ୍ତାର ଲେଙ୍କୁଡ଼ିପଡା ଛକ ଠାରେ ବୁଧବାର ରାତିରେ ସନ୍ଦେହଜନକ ଭାବେ ଯାଉଥିବା ଏକ ଯାତ୍ରୀବାହୀ ଅଟୋକୁ ଅଟକାଇ ଥିଲା । ଏବଂ ହରିଣ ମାଂସ ଦେଖିବା ପରେ ଅଟକ ରଖି ବନ ବିଭାଗକୁ ଖବର ଦେଇଥିଲା ।
2 କୁଇଣ୍ଟାଲ ହରିଣ ମାଂସ ଜବତ,ଅଟୋ ଚାଳକ ଗିରଫ
ତେବେ ଘଟଣାସ୍ଥଳରେ ବନ ବିଭାଗ ପହଞ୍ଚିଥିଲା । ହରିଣ ମାଂସ ସହ ଅଟୋ ଚାଳକକୁ ଗିରଫ କରିବା ସହ ଯାତ୍ରୀବାହୀ ଅଟୋକୁ ଜବତ କରିଛି । ଗିରଫ ଅଭିଯୁକ୍ତ ଜଣକ ହେଲେ ଭୁବନେଶ୍ବର ଓଲଡ଼ ଟାଉନ ଶିଶୁପାଳଗଡ଼ର ସୁବାସ ଚନ୍ଦ୍ର ନାୟକଙ୍କ ପୁଅ ପ୍ରଣୟ କିଶୋର ନାୟକ । ତେବେ ସେ କେଉଁଠୁ ଏତେ ପରିମାଣର ହରିଣ ମାଂସ ଆଣିଲେ ସେ ନେଇ ଅଧିକ ଖୋଳ ତାଡ଼ କରୁଛନ୍ତି ବନ ବିଭାଗ ଅଧିକାରୀ ।
ନୟାଗଡରୁ ଜୟେନ୍ଦ୍ର ବେହେରା,ଇଟିଭି ଭାରତ
