ନୟାଗଡ଼:ଦିନକୁ ଦିନ ବୃଦ୍ଧି ପାଉଛି ବ୍ରାଉନସୁଗାର କାରବାର । ପୋଲିସ ଜଣକ ପରେ ଜଣେ ଅଭିଯୁକ୍ତଙ୍କୁ ଗିରଫ କରୁଛି। ନୟାଗଡ଼ ଟାଉନଥାନା ପୋଲିସ ପୁଣି ଜଣେ ବ୍ରାଉନସୁଗାର ବ୍ୟବସାୟୀକୁ ଗିରଫ କରିଛି ।
ଗିରଫ ଅଭିଯୁକ୍ତ ଜଣଙ୍କ ସରୋଜ କୁମାର ବାରିକ । ତାଙ୍କ ଠାରୁ ୧ ଗ୍ରାମ ୮୦ ମିଲିଗ୍ରାମ ଜବତ କରିଛି । ଖଣ୍ଡପଡ଼ା ରୋଡ଼ ମହାବୀର ପାଟଣାର ସରୋଜ କୁମାର ବାରିକ ସିନ୍ଦୁରିଆରେ ଘର ଭଡ଼ା ନେଇ ରହୁଥିଲେ ।
ସେଠାରେ ସେ ବ୍ରାଉନସୁଗାର ବ୍ୟବସାୟ କରୁଥିବା ନେଇ ପୋଲିସ ସୂଚନା ପାଇବା ପରେ ଚଢ଼ାଉ କରିଥିଲା । ତା ନିକଟରେ ୨୬ଟି ବ୍ରାଉନସୁଗାର ପୁଡ଼ିଆ ଜବତ କରାଯାଇଛି । ଏନେଇ ଟାଉନଥାନାରେ ୭୩/୨୧ରେ ଗୋଟିଏ ମାମଲା ରୁଜୁ କରି କୋର୍ଟ ଚାଲାଣ କରିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
