ନୟାଗଡ଼: ବିଭିନ୍ନ ପ୍ରସଙ୍ଗ ନେଇ ନୟାଗଡ ଜିଲ୍ଲାରେ ବିଜେପି ପକ୍ଷରୁ ପ୍ରେସମିଟ । ପ୍ରେସମିଟରେ ବିଭିନ୍ନ ପ୍ରସଙ୍ଗକୁ ନେଇ ସରକାରଙ୍କୁ ପ୍ରଶ୍ନ କରିଛନ୍ତି ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର । ନୟାଗଡ଼ ବୃତ୍ତଙ୍ଗ ଜଳସେଚନ ପ୍ରକଳ୍ପର ମନ୍ଥରତା ଠାରୁ ଆରମ୍ଭ କରି ସାର ଦୁର୍ନୀତି ପର୍ଯ୍ୟନ୍ତ ଏମିତି ଅନେକ ପ୍ରସଙ୍ଗରେ ସରକାରଙ୍କୁ ପ୍ରଶ୍ନ କରିଛନ୍ତି ଲେଖାଶ୍ରୀ ।
ସେହିପରି ନୟାଗଡ଼ର ଚିନିକଳ ଦୀର୍ଘ ଦିନ ହେବ ବନ୍ଦ ହୋଇପଡ଼ିଥିବା ବେଳେ କୃଷି ମନ୍ତ୍ରୀ ଅରୁଣ ସାହୁ ନିର୍ବାଚନରେ ଜିତିବାର ୭ ଦିନ ମଧ୍ୟରେ ଏହାକୁ ଚଲାଇବାର ପ୍ରତିଶୃତି ଦେଇଥିଲେ । ହେଲେ ତାହା ଆଜି ପର୍ଯ୍ୟନ୍ତ କାର୍ଯ୍ୟକ୍ଷମ ହୋଇପାରିଲା ନାହିଁ । ଏନେଇ ବିଜେପି ଲୋକଙ୍କୁ ଠକିଥିବା ବିଜେପି ଅଭିଯୋଗ ଆଣିଛି ।
ଡ. ଅରୁଣ ସାହୁ ନୟାଗଡ଼ର ବିଧାୟକ ହୋଇଥିଲେ ମଧ୍ୟ ଜିଲ୍ଲାରେ ଗୋଟେ ହେଲେ ନୂତନ କଲେଜ କିମ୍ବା ବିଶ୍ୱବିଦ୍ୟାଳୟ ସ୍ଥାପନ ହୋଇନାହିଁ । ଜିଲ୍ଲାରେ ଆଦର୍ଶ ବିଦ୍ୟାଳୟ ଖୋଲିଛି ହେଲେ ଛାତ୍ରଛାତ୍ରୀ ପାଠ ପଢ଼ିବାର ସୁଯୋଗ ପାଉନାହାନ୍ତି ଆଦି ଅନେକ ଦିଗକୁ ନେଇ ବିଜେପି ନେତ୍ରୀ ପ୍ରେସମିଟ ଯୋଗେ ଅଭିଯୋଗ ଆଣିଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
