ବୌଦ୍ଧ: ଜିଏସଟି ସରଳିକରଣ ଓ ଅନ୍ୟାନ୍ୟ ସମସ୍ୟାକୁ ନେଇ ସର୍ବଭାରତୀୟ ବନ୍ଦର ପ୍ରଭାବ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଦେଖିବାକୁ ମିଳିଛି । ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଭାରତ ବନ୍ଦର ପ୍ରଭାବ ପଡି ନଥିଲେ ମଧ୍ୟ ଦୋକାନ ବଜାର ବନ୍ଦ ରହିଛି ।
ସର୍ବଭାରତୀୟସ୍ତରରେ ବ୍ୟବସାୟୀ ମାନେ ଜିଏସଟି ଓ ଅନ୍ୟାନ୍ୟ ସମସ୍ୟା କୁନେଇ ବନ୍ଦ ଡାକରା ଦେଇଥିବା ବେଳେ ବୌଦ୍ଧ ଜିଲ୍ଲାର କଣ୍ଟାମାଳ, ମନମୁଣ୍ଡା, ବାଉଁଶୁଣୀ, ପୁରୁଣାକଟକ, ଚାରିଛକ ଭଳି ବ୍ୟବସାୟୀକ ପେଣ୍ଠସ୍ଥଳ ଗୁଡିକରେ ଦେଖିବାକୁ ମିଳିଥିଲା । କିନ୍ତୁ ବନ୍ଦକୁ ନେଇ ସେଭଳି କୌଣସି ସ୍ପଷ୍ଟ ସୂଚନା ନଥିବାରୁ ଗାଡି ମୋଟର, ସରକାରୀ କାର୍ଯ୍ୟାଳୟ, ସ୍କୁଲ କଲେଜ ଓ ବ୍ୟାଙ୍କ ଖୋଲାଯାଉଥିଲା । କିନ୍ତୁ ପୁଣିଥରେ କିଛି ସିମୀତ ସଂଖ୍ୟାରେ ବ୍ୟବସାୟୀ ବ୍ୟାଙ୍କ ଓ ଦୋକାନ ପିକେଟିଂ କରି ବନ୍ଦ କରିଥିବାରୁ ଏନେଇ ଦ୍ବନ୍ଦ ଦେଖାଦେଇଥିବା ବୁଦ୍ଧିଜୀବୀ କହିଛନ୍ତି । ଜିଲ୍ଲାରେ ଗାଡିମୋଟର ଚଳାଚଳ ସମ୍ପୂର୍ଣ୍ଣ ସ୍ବାଭାବିକ ଥିବା ବେଳେ ବନ୍ଦ ସମ୍ପର୍କରେ କୌଣସି ସଠିକ ସୂଚନା ନଥିବାରୁ ସାଧାରଣ ଲୋକ ଦ୍ବନ୍ଦ ମଧ୍ୟରେ କେବଳ ଔପଚାରିକତା ଦୃଷ୍ଟିରୁ ବନ୍ଦକୁ ସମର୍ଥନ ଜଣାଇଥିଲେ ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
