ନୟାଗଡ଼଼: ସର୍ବ ଭାରତୀୟ ଶ୍ରମିକ ସଂଗଠନ, କୃଷକ ସଂଗଠନ, କର୍ମଚାରୀ ସଂଗଠନ, ବ୍ୟାଙ୍କ ବୀମା ଭଳି ଆର୍ଥିକ ସଂଗଠନଗୁଡିକର ଆହ୍ବାନ କ୍ରମେ ଆସନ୍ତା ନଭେମ୍ବର ୨୬ରେ ପାଳନ ହେବ ସର୍ବଭାରତୀୟ ସାଧାରଣ ଧର୍ମଘଟ । ତେବେ ଏହି ଧର୍ମଘଟକୁ ସଫଳ କରିବା ପାଇଁ ଶରଣକୂଳଠାରେ ଆୟୋଜିତ ବୈଠକରେ ନିଷ୍ପତ୍ତି ନିଆଯାଇଛି l
ସାଧାରଣ ଲୋକେ ଧର୍ମଘଟରେ ବହୁ ସଂଖ୍ୟାରେ ସାମିଲ ହେବାକୁ ମିଳିତ ସଂଗଠନ ପକ୍ଷରୁ ଆହ୍ବାନ ଦିଆଯାଇଛି । ବହୁ ଦିନ ସଂଗ୍ରାମ କରି ଭାରତ ବର୍ଷର ଶ୍ରମିକ ଶ୍ରେଣୀ, କୃଷକ ସମାଜ ଯେଉଁ ଅଧିକାର ହାସଲ କରିଥିଲେ, କୋରୋନାର ସୁଯୋଗ ନେଇ କେନ୍ଦ୍ର ସରକାର ସେ ଅଧିକାରକୁ ଛଡ଼ାଇନେଇଥିବା ଅଭିଯୋଗ ହୋଇଛି । ଏହାର ପ୍ରତିବାଦରେ ନଭେମ୍ବର ୨୬ ଧର୍ମଘଟ ଡାକରା ଦିଆଯାଇଛି ।
କେନ୍ଦ୍ର ସରକାର ୪୪ଟି ଶ୍ରମ ଆଇନକୁ ବାତିଲ କରି ୪ଟି ନିଷ୍କ୍ରିୟ କୋଡ୍ରେ ପରିଣତ କରିବା, କୃଷି ସଂସ୍କାର ଆଳରେ କର୍ପୋରେଟ କୃଷି ଓ କୃଷି ଅମଳର ମହଜୁଦକାରୀ କଳାବଜାରୀମାନଙ୍କୁ ଅଧିକ ପ୍ରୋତ୍ସାହିତ କରିବା, ଅତ୍ୟବଶ୍ୟକ ଖାଉଟି ଆଇନକୁ ବାତିଲ କରିବା, ବେକାରୀ ବୃଦ୍ଧି ଆଦିର ପ୍ରତିରୋଧ ପାଇଁ ଏହି ଆନ୍ଦୋଳନକୁ ସଫଳ କରିବାକୁ କୃଷକ ନେତା ପବିତ୍ର ଇନ୍ଦ୍ରଜିତଙ୍କ ସଭାପତିତ୍ବରେ ବୈଠକରେ ଅନୁଷ୍ଠିତ ହୋଇଥିଲା l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
