ନୟାଗଡ: ଯଦୁପୁର ନାବାଳିକା ହତ୍ୟାକାଣ୍ଡ ଘଟଣାରେ ଅଭିଯୁକ୍ତର ହେବ ବ୍ରେନ ମ୍ୟାପିଂ । ଏହି ମାମଲାର ଗିରଫ ହୋଇଥିବା ଆଇନ ଛାତ୍ରର ବ୍ରେନ ମ୍ୟାପିଂ ହାଇକୋର୍ଟରେ ଆବେଦନ କରିବ ଏସଆଇଟି । ହତ୍ୟାକାଣ୍ଡ ଘଟଣାର ସମସ୍ତ ଘଟଣାକୁ ଜାଣିବାକୁ ଏସଆଇଟି ଏହି ପଦ୍ଧତି ଆପଣାଇବାକୁ ଚାହୁଁଛି ବୋଲି କୁହାଯାଇଛି ।
ସୂଚନାଯୋଗ୍ୟ, ଗତ ଗୁରୁବାର ଦିନ ସନ୍ଦେହୀ ପୋଖରୀ ନିକଟରେ ଏସଆଇଟି ସମ୍ମୁଖରେ ସିନ ରିକ୍ରିଏସନ କରିବା ସହ ଡେମୋ ଦେଖାଇଥିଲା ଅଭିଯୁକ୍ତ ଆଇନ ଛାତ୍ର । ଅଭିଯୁକ୍ତକୁ ଏସଆଟି ନାବାଳିକାର ଗାଁକୁ ନେବା ପରେ ସେ କେମିତି ହତ୍ୟା କରିଥିଲା ତାହାର ପୂରା ଘଟଣା ପୁଣି ଥରେ ରିକ୍ରିଏଟ କରିଥିଲା ।
ସେପଟେ, ହତ୍ୟାକାଣ୍ଡରେ ଏସଆଇଟି ଦେଇଥିବା ତଥ୍ୟ ଉପରେ ନାବାଳିକାର ମା’ ବିଶ୍ବାସ କରୁନାହାଁନ୍ତି । ଘଟଣାରେ ସେ ସିବିଆଇ ତଦନ୍ତ ଦାବି କରିଛନ୍ତି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
