ନୟାଗଡ଼: ପୋଲିସ ଉପରକୁ ପଥର ମାଡ କରିବା ପଡିଲା ମହଙ୍ଗା । ଶେଷରେ ଗିରଫ ହେଲେ ଯୁବକ । ନୟାଗଡ଼ ଜିଲ୍ଲା ଇଟାମାଟି ଥାନା ପୋଲିସ ଲାଠିପଡ଼ା ଅଞ୍ଚଳରେ ପାଟ୍ରୋଲିଂ କରୁଥିବା ସମୟରେ ଜଣେ ଯୁବକ ପୋଲିସ ଗାଡ଼ିକୁ ପଥର ମାଡ଼ କରି ଗିରଫ ହୋଇଥିବା ଜଣାଯାଇଛି ।
ସୂଚନା ଅନୁଯାୟୀ, ପାଟ୍ରୋଲିଂ ଟିମ୍ ଗୁରୁବାର ସନ୍ଧ୍ୟା ସମୟରେ ଲାଠିକଟା ପଡ଼ିଆରେ ପାଟ୍ରୋଲିଂ କରୁଥିଲେ । ସେହି ସମୟରେ ଲାଠିପଡ଼ା ଗ୍ରାମର ସନ୍ତୋଷ କୁମାର ପ୍ରଧାନ (୨୫) ହଠାତ୍ ପୋଲିସ ଭ୍ୟାନ ଉପରକୁ ପଥର ମାଡ଼ କରିଥିଲେ ।
ପଥର ମାଡରେ ପୋଲିସ୍ ଟିମ୍ରେ ରହିଥିବା ଏପିଆର୍ କନଷ୍ଟେବଳ କୁନୁ ସେଠୀ ଗୁରୁତର ଆହତ ହୋଇଥିଲେ । ଏପଟେ ପଥର ମାଡ କରି ଯୁବକ ଜଣଙ୍କ ସେଠାରୁ ଖସି ଯିବାକୁ ଉଦ୍ୟମ କରୁଥବା ବେଳେ ପୋଲିସ ଯୁବକଙ୍କୁ ଗିରଫ କରିଥିଲେ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
