ନୟାଗଡ଼: ନାବାଳିକାର ବିବାହ ପାଇଁ ଚାଲିଥିଲା ପ୍ରସ୍ତୁତି ପର୍ବ । ହେଲେ ଏସବୁକୁ ଭଣ୍ତୁର କରିଦେଲା ଶିଶୁ ସୁରକ୍ଷା ୟୁନିଟ । ଏଭଳି ଘଟଣା ଦେଖିବାକୁ ମିଳିଛି ନୟାଗଡ ଜିଲ୍ଲାର ଟାକେରା ଗାଁରେ । ଯାହା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ସୂଚନା ଅନୁସାରେ, କିଛିଦିନ ତଳେ ଜଣେ ୧୫ ବର୍ଷିୟା ନାବାଳିକାକୁ ଦଶପଲ୍ଲା ଟାକେରା ଗାଁର ଦୁଷ୍ମନ୍ତ ନାୟକ ନେଇ ଯାଇ ନିଜ ଘରେ ରଖିଥିଲା ଓ ବିବାହ ପାଇଁ ପ୍ରସ୍ତୁତି ଚଲାଇଥିଲା ।
ହେଲେ ଖବର ପାଇ ଚାଇଲ୍ଡ ଲାଇନ ସଦସ୍ୟ ଓ ପୁଲିସ ମିଳିତ ଭାବେ ଚଢାଉ କରିଥିଲେ । ଘଟଣାସ୍ଥଳରୁ ନାବାଳିକୁ ଉଦ୍ଧାର କରିଥିଲେ । ହେଲେ ନାବାଳିକୁ ପରିବାର ଲୋକେ ନେବା ପାଇଁ ଅମଙ୍ଗ ହେବାରୁ ତାଙ୍କୁ ସିଡବ୍ଲ୍ୟୁସିରେ ହାଜର କରାଯାଇ" ତପସ୍ୟା " ଆଶ୍ରୟ ଗୃହରେ ରଖା ଯାଇଥିବା ସୂଚନା ମିଳିଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
