ନୟାଗଡ: ଟାଉନ ଥାନା ପୋଲିସ ଜବତ କଲା 63 କେଜି ଗଞ୍ଜେଇ l ଏହି ଘଟଣାରେ 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ନୟାଗଡ ଦେଇଯାଇଥିବା 57 ନଂ ଜାତୀୟ ରାଜପଥରେ ପୋଲିସ ପାଟ୍ରୋଲିଂ କରୁଥିବାବେଳେ ଏକ କାରକୁ ପୋଲିସର ସନ୍ଦେହ ହେବାରୁ ଅଟକାଇ ଯାଞ୍ଚ କରିଥିଲେ । ପୋଲିସ ଗାଡ଼ିରୁ 63 କେଜି ଗଞ୍ଜେଇ ଜବତ କରିବା ସହ 3 ଜଣକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ 3 ଜଣ ଖୋର୍ଦ୍ଧା ବେଗୁନିଆ ଅଞ୍ଚଳର ଲୋକନାଥ ବେହେରା,ଅମିୟ ସାମନ୍ତରାୟ,କାହ୍ନା ଅଗ୍ରୱାଲ ହୋଇଥିବା ବେଳେ ସେମାନେ ଫୁଲବାଣୀରୁ ଖୋର୍ଦ୍ଧା ଗଞ୍ଜେଇ ନେଉଥିଲେ l ପୋଲିସ ତାଙ୍କ ଠାରୁ ଏକ ହଣ୍ଡା ସିଟି କାର ମଧ୍ୟ ଜବତ କରିଛି । ତେବେ 3 ଜଣକୁ ପୋଲିସ କୋର୍ଟ ଚାଲାଣ କରିଥିବା ବେଳେ ଏନେଇ ଅଧିକ ତଦନ୍ତ ଚଲିଥିବା ଟାଉନଥାନା ଅଧିକାରୀ କହିଛନ୍ତି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
