ନୟାଗଡ: ରଣପୁରରେ ବ୍ରାଉନସୁଗାର ଜବତ, 6 ବ୍ୟବସାୟୀ ଗିରଫ । ସେମାନଙ୍କ ଠାରୁ 5 ଗ୍ରାମ ବ୍ରାଉନସୁଗାର ସହ ନଗଦ 3 ହଜାର 500 ଟଙ୍କା ଓ 6ଟି ମୋବାଇଲ ଜବତ କରିଛି ରଣପୁର ପୋଲିସ ।
କୌଣସି ସୂତ୍ରରୁ ଖବର ପାଇ ରଣପୁର ପୋଲିସ ମଣିନାଗ ମନ୍ଦିର ପଛପଟୁ 6 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ନୟାଗଡ ଏସପିଙ୍କ ନେତୃତ୍ବରେ ରଣପୁର ପୋଲିସ ସ୍ବତନ୍ତ୍ର ଟିମ ଗଠନ କରି ଏହି ଧଳା ଜହର ବ୍ୟବସାୟୀଙ୍କୁ ଗିରଫ କରିଛି ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ତେବେ ବ୍ରାଉନସୁଗାର ଖୋର୍ଦ୍ଧା ଅଞ୍ଚଳରୁ ରଣପୁରକୁ ଚାଲାଣ ହେଉଥିବା ପୋଲିସ ସନ୍ଦେହ କରିଛି । ଗିରଫ ବ୍ୟକ୍ତିମାନେ ହେଲେ ଦୀନବନ୍ଧୁ ଖଟେଇ, ଅନୀଲ ପ୍ରଧାନ, ରଞ୍ଜନ ବିଶ୍ବାଳ, ନିରଞ୍ଜନ ସାହୁ, ବଳରାମ ପ୍ରଧାନ ଓ ରଞ୍ଜନ ଦାଶ । ସମସ୍ତେ ରଣପୁର ଅଞ୍ଚଳର ହୋଇଥିବା ଜଣାପଡିଛନ୍ତି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
