ନୟାଗଡ଼: ବେଆଇନ ମଦ କାରବାର ସମ୍ପୂର୍ଣ୍ଣ ବନ୍ଦ ପାଇଁ ଚାନ୍ଦିପୁର ପୋଲିସ ଆରମ୍ଭ କରିଛି ଅଭିଯାନ । ନୟାଗଡ଼ ଜିଲ୍ଲା ଚାନ୍ଦପୁର ଥାନା ପୋଲିସ ୪୩ ଲିଟର ବିଦେଶୀ ମଦ ଏବଂ ଗୋଟିଏ ବୋଲେରୋ ଜବତ କରିବା ସହ ଜଣଙ୍କୁ ଗିରଫ କରିଛି । ଅଭିଯୁକ୍ତ ଜଣଙ୍କ ହେଲେ ମୟୁରଝାଲିଆ ତନ୍ତିସାହିର ସଂଗ୍ରାମ ପ୍ରଧାନଙ୍କ ପୁଅ ବିଜୟ କେଶରୀ ପ୍ରଧାନ ଓରଫ ଅନାମ ।
ଥାନା ଅଧିକାରୀ ରଶ୍ମି ରଞ୍ଜନ ଦାଶ ଚଢ଼ାଉ କରି ସେମାନଙ୍କୁ ଗିରଫ କରିଛନ୍ତି । ସୂଚନାନୁସାରେ, ସେ ବୋଲେରୋ ଯୋଗେ ମଦ ଚାଲାଣ କରୁଥିବା ବେଳେ ଧରାପଡ଼ିଛନ୍ତି । ତାଙ୍କଠାରୁ ମୋଟ ୮୪ ବୋତଲ ମଦ ଜବତ କରାଯାଇଛି । ଏନେଇ ଚାନ୍ଦପୁର ଥାନାରେ ୬୪/୨୧ରେ ଏକ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
