ନୟାଗଡ଼: ଜିଲ୍ଲାରେ ଦିନକୁ ଦିନ ବୃଦ୍ଧି ପାଉଛି ବ୍ରାଉନସୁଗାର କାରବାର । ଗତକାଲି ପୁଣି ୪୩ ଗ୍ରାମର ବ୍ରାଉନସୁଗାର ଜବତ କରିବା ସହ ଜଣେ ଅଭିଯୁକ୍ତକୁ ପୋଲିସ ଗିରଫ କରିଛି । ଗିରଫ ଅଭିଯୁକ୍ତ ହେଉଛନ୍ତି ଫତେଗଡ଼ ଥାନା ବନମାଳୀପୁର ଗ୍ରାମର ନାଗା ଓରଫ ସହଦେଵ ବାରିକ ।
ନୟାଗଡରୁ ୪୩ ଗ୍ରାମର ବ୍ରାଉନସୁଗାର ଜବତ, ଜଣେ ଗିରଫ
ମିଳିଥିବା ସୂଚନାଅନୁଯାୟୀ, ଯୁବକଙ୍କ ନିକଟରେ ବ୍ରାଉନସୁଗାର ଥିବା ନେଇ ଏକ ବିଶେଷ ସୁତ୍ରରୁଖବର ପାଇଥିଲା ପୋଲିସ । ଏହା ପରେ ସେ ଏକ ସ୍କୁଟିରେ ସେ ଆସୁଥିବା ସମୟରେ ପୋଲିସ ବିଭାଗର ଏକ ଟିମ୍ ତାଙ୍କ ଉପରେ ଚଢାଉ କରିଥିଲା । ତା ନିକଟରୁ ୪୩ ଗ୍ରାମର ବ୍ରାଉନସୁଗାର ଜବତ କରି ତାଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି ପୋଲିସ । ତେବେ ଅଭିଯୁକ୍ତ ବିରୋଧରେ ପୂର୍ବରୁ ବିଭିନ୍ନ ଥାନାରେ ବହୁ ମାମଲା ଥିବା ଜଣାପଡିଛି । ୨୦୧୭ରେ ପୋଲିସ ଦ୍ୱାରା ଏନକାଉଣ୍ଟରର ଶିକାର ହୋଇଥିଲା ନାଗା ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
