ନୟାଗଡ: ଖୋର୍ଦ୍ଧା ଜିଲ୍ଲା ରାମେଶ୍ବର ଛକ ନିକଟରେ ସଡ଼କ ଦୁର୍ଘଟଣାରେ 2 ଯୁବକଙ୍କ ମୃତ୍ୟୁ ଘଟିଛି । ମୃତକ ହେଲେ ଓଡଗାଁର ପ୍ରତାପ ଖିଲାର ଓ ଦୀପକ ସାମନ୍ତରାୟ । ଏମାନେ କୌଣସି କାମରେ ଭୁବନେଶ୍ବର ଯାଉଥିବା ବେଳେ ଦୁର୍ଘଟଣାର ଶିକାର ହୋଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ସୂଚନା ଅନୁଯାୟୀ, ଦୀପକ ଓ ପ୍ରତାପ ଭୋର ସମୟରେ ଭୁବନେଶ୍ବର ଯାଉଥିବା ବେଳେ ରାମେଶ୍ବର ଛକ ନିକଟରେ ତାଙ୍କୁ ଏକ ଅଜଣା ଗାଡି ଧକ୍କା ଦେଇଥିଲା । ଫଳରେ ଏମାନେ ଖାଲକୁ ଖସି ପଡିଥିଲେ। ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ଘଟିଥିଲା । ଖବର ପାଇ ପୋଲିସ ପହଞ୍ଚି ମୃତଦେହକୁ ଜବତ କରି ଖୋର୍ଦ୍ଧା ମେଡିକାଲକୁ ଶବବ୍ୟବଚ୍ଛେଦ ପାଇଁ ପଠାଇଥିଲା ।
ଗୋଟେ ପଟେ ସାରା ବିଶ୍ବ ଆଜି ମାତୃ ଦିବସ ପାଳନ କରୁଥିବା ବେଳେ 2ପୁଅଙ୍କୁ ହରାଇ ଦୁଇ ମା’ଙ୍କ କୋଳ ଖାଲି ହୋଇଯାଇଛି । ଏହି ଘଟଣାକୁ ଓଡଗାଁରେ ଶୋକର ଛାୟା ଖେଳି ଯାଇଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
