ନୟାଗଡ: ନୟାଗଡ କୁରାଳ ଗାଁରେ 12 ବର୍ଷର ବାଳକ ଅପହରଣ ନେଇ ଥାନାରେ ଅଭିଯୋଗ । ଟ୍ୟୁସନରୁ ଫେରୁଥିବା ବେଳେ 12 ବର୍ଷର ବାଳକକୁ ଅପହରଣ ଅଭିଯୋଗ ହୋଇଛି । ଅଭିଯୋଗ ଅନୁସାରେ ନିଖୋଜ ନାବାଳକ ନୟାଗଡ ଜିଲ୍ଲା କୁରାଳ ନେଳିଆ ସାହିର କାଳିଆ ପାତ୍ରଙ୍କ ପୁଅ ଅମ୍ରିତ ପାତ୍ର । ଅମ୍ରିତ ସପ୍ତମ ଶ୍ରେଣୀରେ ପାଠ ପଢୁଥିବା ବେଳେ ଅମ୍ରିତ ଗତକାଲି ଟିଉସନରୁ 5ଟା ବେଳେ ଘରକୁ ଫେରୁଥିବା ବେଳେ ରାସ୍ତାରୁ ନିଖୋଜ ହୋଇଥିବା ପରିବାର ପକ୍ଷରୁ ଅଭିଯୋଗ କରାଯାଇଛି । ଅମ୍ରିତଙ୍କୁ କିଏ ଏବଂ କାହିଁକି ଅପହରଣ କରିଥିବ ସେ ନେଇ ପରିବାର ପକ୍ଷରୁ ଓଡ଼ଗାଁ ଥାନାରେ ଲିଖିତ ଅଭିଯୋଗ ହୋଇଛି ।
ଅଭିଯୋଗକୁ କେନ୍ଦ୍ର କରି ପୋଲିସ ତଦନ୍ତ ପରେ ପାଖ ପୋଖରୀରେ ଥିବା ନେଳିଆପୋଖରୀ ରାସ୍ତାର ଏକ ବାଉଁଶ ବୁଦାରୁ ଅମ୍ରିତର ସାଇକେଲ ଉଦ୍ଧାର କରାଯାଇଛି । ଏହାକୁ ନେଇ ପୋଲିସ ଅନୁମାନ କରୁଛି ଅପହରଣ ହୋଇଥାଇପାରେ । ତେଣୁ ତଦନ୍ତକୁ ଜୋରଦାର କରିଛି ।
ସେପଟେ ଅମ୍ରିତର ବାପାଙ୍କୁ ଥାନାକୁ ନେଇ ପଚରାଉଚରା କରୁଛି । ଗ୍ରାମବାସୀ ମାନେ କହିବା କଥା ଅମ୍ରିତ ଟ୍ୟୁସନ ସାରି ଘରକୁ ଫେରୁଥିବା ରାସ୍ତାରେ 4 ଦିନ ହେଲା ଗୋଟିଏ ପିକ ଭ୍ୟାନ ରହୁଥିଲା । ହେଲେ ଗତକାଲି ରହିଥିବା ପିକପ ଭ୍ୟାନ ଉଭାନ ହୋଇଯାଇଥିବାରୁ ଲୋକ ମାନଙ୍କ ମଧ୍ୟରେ ସନ୍ଦେହ ଘନୀଭୂତ ହେଉଛି । ଅନ୍ୟପଟେ ନୟାଗଡ SP ଘଟଣା ସ୍ଥଳକୁ ଯାଇ ତଦନ୍ତ କରିଛନ୍ତି ।
ଇଟିଭି ଭାରତ, ନୟାଗଡ
