ନୟାଗଡ: ବାହାଘର ସାରି ଫେରୁଥିବା ସମୟରେ ସିରିଜ ଦୁର୍ଘଟଣା । ଆଜି ସକାଳେ ନୟାଗଡ ଠାରେ ତିନୋଟି କାର ମୁହାଁମୁହିଁ ଧକ୍କା ହୋଇଥିଲା । ଯେଉଁଥିରେ 10 ଜଣ ଆହତ ହେବା ସହ 6 ଜଣ ଗୁରୁତର ହୋଇଛନ୍ତି ।
ସମସ୍ତଙ୍କୁ ନୟାଗଡ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । କଣ୍ଟିଲୋ ବିଜିପୁରରୁ ବାହାଘର ସାରି ଫେରୁଥିବାବେଳେ ଗଣିଆ ଥାନା କାଳିକା ପଡା ଠାରେ ଦୁର୍ଘଟଣା ଘଟିଥିଲା । ସକାଳ ପାଖାପାଖି 6ଟା ସମୟରେ ବରଯାତ୍ରୀ କାର ଦୁଇ କାରକୁ ଧକ୍କା ଦେଇଥିଲା ।
ଭିଡିଓ ସୌଜନ୍ୟ:ପ୍ରତିନିଧି, ନୟାଗଡ
ଘଟଣାସ୍ଥଳରେ ସମସ୍ତ ଆହତଙ୍କୁ ସ୍ଥାନୀୟ ଲୋକେ ଉଦ୍ଧାର କରି 108 ଆମ୍ବୁଲାନ୍ସ ଯୋଗେ ନୟାଗଡ ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି । ଆହତ ସମସ୍ତ ଦଶପଲ୍ଲା ହାଟ ଛକର ବୋଲି ଜଣାପଡିଛି । ଏନେଇ ପୋଲିସ ତଦନ୍ତ ଚଳାଇଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
