ନବରଙ୍ଗପୁର: ବିଚ୍ ବଜାରରେ ଆଣ୍ଠେଇଲେ ଯୁବକ । ଖାଲି ଆଣ୍ଠେଇ ନାହାଁନ୍ତି ବରଂ କ୍ଷମା ଵି ମାଗିଛନ୍ତି। ଏହି ଦୃଶ୍ୟ ହେଉଛି ନବରଙ୍ଗପୁର ଜିଲ୍ଲା ଉମରକୋଟର । ଯୁବକ ଜଣକ ହେଲେ ଭବତୋଷ ମଣ୍ଡଲ । ଯୁବକ ଜଣକ ଉମରକୋଟ ଝରିଗାଁ ରୋଡରେ ଏକ କ୍ଲିନିକ୍ ଚଳାଉଛନ୍ତି, ଯେଉଁଠାରେ ଗୁପ୍ତ ରୋଗ ଓ ଯୌନ ରୋଗର ଚିକିତ୍ସା କରାଯାଏ ।
ତେବେ ନିଜର ଵ୍ୟବସାୟର ପ୍ରଚାର ପାଇଁ ସେ ଏକ ପୋଷ୍ଟର ଛାପିଛନ୍ତି । ଏହି ପୋଷ୍ଟରରେ ଭଗଵାନ ରାଧା କୃଷ୍ଣଙ୍କ ଫଟୋ ରହିଛି । ସେ ଉକ୍ତ ପୋଷ୍ଟରକୁ ଉମରକୋଟର ଵିଭିନ୍ନ ସ୍ଥାନରେ ମାରିଥିଲେ । ଘଟଣା ଜାଣିଵା ପରେ ତାତିଛନ୍ତି ସ୍ଥାନୀୟ ଯୁଵକ। ଘଟଣାକୁ ନେଇ ବଜରଙ୍ଗ ଦଳ ତୀବ୍ର ଵିରୋଧ କରିବା ସହ 12 ଘଣ୍ଟା ମଧ୍ୟରେ ସମସ୍ତ ସ୍ଥାନରେ ମରାଯାଇଥିବା ପୋଷ୍ଟ ହଟାଇବାକୁ ପରାମର୍ଶ ଦିଆଯାଇଛି।
ଭବତୋଷଙ୍କୁ ଡାକି ବିଚ୍ ଵଜାରରେ ଆଣ୍ଠେଇଵାକୁ କହିଥିଲେ। ଖାଲି ସେତିକି ନୁହେଁ ଯୁଵକ ଜଣକ ସର୍ବ ସାଧାରଣରେ କ୍ଷମା ମଧ୍ୟ ମାଗିଥିଲେ। ବ୍ୟବସାୟ ପାଇଁ ପୋଷ୍ଟରରେ ଭଗବାନଙ୍କ ଫଟୋ ଛପାଯିବା ଘଟଣାକୁ ସମସ୍ତେ ନିନ୍ଦା କରିଛି । ତେଵେ ବିଚ୍ ଵଜାରରେ ଖାପ୍ ପଞ୍ଚାୟତର କିଭଳି ଯୁବକ ଜଣଙ୍କୁ ଦଣ୍ଡ ଦିଆଗଲା ତାହା ଏଵେ ପ୍ରଶ୍ନଵାଚୀ
ନବରଙ୍ଗପୁରରୁ ତପନ ବିଷୋୟୀ ,ଇଟିଭି ଭାରତ
