ନବରଙ୍ଗପୁର: ନବରଙ୍ଗପୁରରୁ ବିପୁଳ ପରିମାଣର ଦେଶୀ ମଦ ସହ 3ଟି ବାଇକକୁ ଜବତ ହୋଇଛି । ଏହାସହ 3 ଜଣଙ୍କୁ ଗିରଫ କରାଯାଇଛି । ମଙ୍ଗଳବାର ନବରଙ୍ଗପୁର ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଅବକାରୀ ବିଭାଗ କୋଡ଼ିଙ୍ଗା ଥାନା ଅଞ୍ଚଳର ବିଭିନ୍ନ ସ୍ଥାନରେ ଚଢାଉ କରିଥିଲା ।
ବିପୁଳ ପରିମାଣର ଦେଶୀ ମଦ ଜବତ,3 ଅଭିଯୁକ୍ତଙ୍କୁ କୋର୍ଟ ଚାଲଣ
ଗାଦାବାଗୁଡା,ଦୁଡ଼କାଗୁଡା ଓ ବିରିଗୁଡାରେ ଚଢାଉ କରି ପ୍ରାୟ ୪୫୦ ଲିଟର ଦେଶୀ ମଦ ଓ ୪୫୦୦ ଲିଟର ମହୁଲପୋଚକୁ ନଷ୍ଟ କରିଛି । ମଦ ପ୍ରସ୍ତୁତରେ ବ୍ୟବହୃତ ସାମଗ୍ରୀ ସହିତ ୩ଟି ବାଇକକୁ ମଧ୍ୟ ଅବକାରୀ ବିଭାଗ ଜବତ କରିଛି । ଏହି ଘଟଣାରେ,ତୁଳସିରାମ ଗୌଡ଼ , ମଙ୍ଗଳସାଇ ଧୁରୁଆ ଓ ତ୍ରିଲୋଚନ ମୁଦୁଲିଙ୍କୁ ଗିରଫ କରିବା ସହ କୋର୍ଟ ଚାଲାଣ କରାଯାଇଛି । ଲକଡାଉନର ସୁଯୋଗ ନେଇ ଏହି କାରବାର ଏବେ ପ୍ରତି ଗାଁ ଗାଁରେ ବୃଦ୍ଧି ପାଉଥିବା ଦେଖିବାକୁ ମିଳିଛି ।
ନବରଙ୍ଗପୁରରୁ ତପନ କୁମାର ବିଷୟୀ, ଇଟିଭି ଭାରତ
