ନବରଙ୍ଗପୁର: ଏଥର ଭିଜିଲାନ୍ସ ଜାଲରେ ଜଣେ ସରକାରୀ ଶିକ୍ଷକ । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ନବରଙ୍ଗପୁର ଜିଲ୍ଲା ମୁଣ୍ଡାଗଡ ପିୟୁପିଏସର ଜିଲ୍ଲା ପରିଷଦ ଶିକ୍ଷକ ଭାବେ କାର୍ଯ୍ୟରତ ସୁବ୍ରତ ଚୌଧୁରୀଙ୍କ ଘରେ ଭିଜିଲାନ୍ସ ରେଡ୍ କରିଛି । ତାଙ୍କ ବାସଭବନ ସମେତ ଏକକାଳୀନ 6ଟି ସ୍ଥାନରେ ଚଢାଉ କରିଛି ଭିଜିଲାନ୍ସ ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ନବରଙ୍ଗପୁର ସହର HDFC ବ୍ୟାଙ୍କ ନିକଟରେ ଥିବା ଘର, ଆରକେ କଲୋନୀ ଥିବା ବାସଭବନ, ସହର ମଧ୍ୟରେ ଥିବା ସନ୍ତୋଷୀ ଇନଫୋଟେକ ନାମକ କମ୍ପ୍ୟୁଟର ସେଣ୍ଟର, ରଙ୍ଗମାଟି ଗୁଡା ଠାରେ ଥିବା ଦୁଇ ମହଲା ଘର, ନୂଆ ଚର୍ଚ୍ଚ ନିକଟ ଘରେ ସମେତ ନୂଆବନ୍ଧ ସାହିସ୍ଥିତ ଘରେ ଭିଜିଲାନ୍ସ ରେଡ୍ କରିଛି ।
କୋରାପୁଟ ସ୍ବତନ୍ତ୍ର କୋର୍ଟଙ୍କ ନିର୍ଦ୍ଦେଶ କ୍ରମେ ଏହି ଚଢାଉ କରାଯାଇଛି । ବର୍ତ୍ତମାନ ସୁଦ୍ଧାର ସମ୍ପତ୍ତି ଆକଳନ କରାଯାଇ ନାହିଁ । ଚଢାଉରେ ବହୁ ଗୁରୁତ୍ବପୂର୍ଣ୍ଣ କାଗଜ ପତ୍ର ଜବତ କରିଛି ଭିଜିଲାନ୍ସ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
