ନବରଙ୍ଗପୁର : ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅନ୍ତର୍ଗତ ଦେଓଭରଣ୍ଡି ଗ୍ରାମରେ ଦେଖିବାକୁ ମିଳିଛି ଏହି ଅଭାବନୀୟ ଦୁର୍ଘଟଣା । ମୋଟରସାଇକେଲ ଚାଳକ ସହିତ ପଛରେ ବସିଥିବା ଆରୋହୀଙ୍କ ମୃତ୍ୟୁ ଘଟିଛି । ସୂଚନା ମୁତାବକ ଏହି ମୃତକ ଦୁଇ ଜଣ ନାକଟିସିମଡ଼ା ଗ୍ରାମପଞ୍ଚାୟତର ଲେଣ୍ଡିବେଡ଼ା ଗ୍ରାମର ଅଜୟ ଗଣ୍ଡ ଏବଂ ସୁକଲ ଗଣ୍ଡ ।
ଦୁହେଁ ହାଟଭରଣ୍ଡି ହସପିଟାଲରେ ନିଜ ସମ୍ପର୍କୀୟଙ୍କୁ ଦେଖା କରିବାକୁ ଯାଇ ଫେରୁଥିଲେ । ଏହି ସମୟରେ ଦେଓଭରଣ୍ଡି ଗ୍ରାମ ପାଖରେ ଏକ ଖରାପ ହୋଇଥିବା ଟ୍ରାକ୍ଟର ଟ୍ରଲି ଛିଡା ହୋଇଥିଲା । ଏହି ଟ୍ରାକଟର ଟ୍ରଲିରେ ବାଡ଼େଇ ହୋଇ ଦୁହେଁ ଛିଟିକି ପଡ଼ିଥିଲେ । ଖବର ପାଇ ରାଇଘର ପୋଲିସ ଘଟଣାସ୍ଥଳରେ ପହଞ୍ଚି ଏମାନଙ୍କୁ ହାଟଭରଣ୍ଡି ଗୋଷ୍ଠୀ ସ୍ବାସ୍ଥ୍ଯ କେନ୍ଦ୍ରକୁ ନେଇଥିଲେ । କିନ୍ତୁ, ସେମାନଙ୍କୁ ଡାକ୍ତର ମୃତ୍ୟୁ ଘୋଷଣା କରିଥିଲେ । ଆଜି ରାଇଘର ପୋଲିସ ଏହି ଘଟଣାର ତଦନ୍ତ ଜାରି ରଖି ଏକ ମାମଲା ରୁଜୁ କରି ମୃତଦେହ ବ୍ଯବଛେଦ ପାଇଁ ପଠାଇ ପରିବାର ଲୋକଙ୍କୁ ହସ୍ତାନ୍ତରିତ କରିଥିଲେ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
