ନବରଙ୍ଗପୁର: ଧାନ ବୋଝେଇ ଟ୍ରକରେ ଲାଗିଲା ନିଆଁ । ନବରଙ୍ଗପୁର ଜିଲ୍ଲା ସଦର ବ୍ଲକ ଅନ୍ତର୍ଗତ ତାରାଗାଁ ଛକ ନିକଟରେ ଏହି ଘଟଣା ଘଟିଛି । ଧାନ ବୋଝେଇ ହୋଇ ଆସୁଥିବା ଏକ ଟ୍ରକ ବିଦ୍ୟୁତ ତାର ସଂସ୍ପର୍ଶରେ ଆସି ନିଆଁ ଲାଗିଯାଇଥିବା ଜଣାପଡିଛି। ଖବର ପାଇ ନବରଙ୍ଗପୁର ଓ ପାପଡାହାଣ୍ଡି ଅଗ୍ନିଶମ ବାହିନୀର ତିନୋଟି ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରି ରଖିଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ତାରାଗାଁର ଚାଷୀ ଡମୁ ରଣାଙ୍କ ଧାନ, ଟ୍ରକରେ ବୋଝେଇ ହୋଇ ନିଜ ଗ୍ରାମକୁ ଆସୁଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ନିଆଁ ଲାଗିଯାଇଥିଲା । ଗାଡ଼ିରେ ବସିଥିବା ଚାଷୀ ଡ଼ମୁ ରଣା ସହିତ ଡ୍ରାଇଭର, ହେଲପର ସଙ୍ଗେ ସଙ୍ଗେ ଗାଡିରୁ ତଳକୁ ଓହ୍ଲାଇ ପଡ଼ିଥିଲେ । ଫଳରେ ସେମାନେ ଅଳ୍ପକେ ବର୍ତ୍ତି ଯାଇଥିଲେ। ଏହାପରେ ଅଗ୍ନିଶମ ବାହିନୀକୁ ଫୋନ କରାଯିବାରୁ ସେମାନେ ଆସି ନିଆଁ ଲିଭାଇବା ଜାରି ରଖିଛନ୍ତି।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
