ନବରଙ୍ଗପୁର: ଟ୍ରକ ଦୁର୍ଘଟଣାରେ ଚାରି ବର୍ଷର ନାବାଳିକା ମୃତ । ନବରଙ୍ଗପୁର ଡାବୁଗାଁ ଥାନା ଅଧୀନ ଝରିଗୁଡା ନିକଟ ରାଜ୍ୟ ରାଜପଥ 39ରେ ଶନିବାର ଆପରାହ୍ନ ଚାରିଟା ସମୟରେ ଏକ ଟ୍ରକ ଉମରକୋଟରୁ ଡାବୁଗାଁ ଅଭିମୁଖେ ଆସୁଥିବାବେଳେ ଝରୀଗୁଡା ନିକଟରେ ଦୁର୍ଘଟଣା ଘଟାଇଥିଲା ।
ଟ୍ରକ ଦୁର୍ଘଟଣାରେ ନାବାଳିକା ମୃତ
ଟ୍ରକ ନମ୍ବର ଜଣାପଡିଥିବାବେଳେ ସରାଗୁଡା ନିକଟରେ ଟ୍ରକ ରଖି ସେଠାରୁ ଡ୍ରାଇଭର ଫେରାର ହୋଇଯାଇଛି । ତେବେ ମୃତକ ଝିଅ ସବିତା ମାଝୀ (4) ମଇଦଳପୁର ନିକଟ ପକନାଗୁଡ଼ା ବୋଲି ଜଣାପଡିଛି l
ତେବେ ମୃତକ ସବିତା ମାଝୀ ସ୍ଥାନୀୟ ପକନାଗୁଡ଼ା ଗାଁର ଅଙ୍ଗନବାଡି କେନ୍ଦ୍ରରେ ପାଠ ପଢୁଥିବା ପରିବାର ଲୋକେ କହିଛନ୍ତି । ଶନିବାର ସବିତା ମା’ଙ୍କ ସହ ଅଜାଙ୍କ ଘରକୁ ଯିବା ସମୟରେ ଏହି ଦୁର୍ଘଟଣା ଘଟିଛି ।
ଏନେଇ ସ୍ଥାନୀୟ ଅଞ୍ଚଳରେ କ୍ଷତିପୂରଣ ଦାବିରେ ଜନସାଧାରଣ ରାସ୍ତା ରୋକ କରିଛନ୍ତି l ଯେଉଁ କାରଣରୁ ଯାତାୟତରେ ବାଧା ଉପୁଜିଥିଲା ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
