ନବରଙ୍ଗପୁର: ଡାବୁଗାଁ ଥାନା ଅନ୍ତର୍ଗତ ଝରୀଗୁଡା ଗାଁରେ ଆଜି(ସୋମବାର)ଅପରାହ୍ନରେ ତାଣ୍ଡବ ରଚିଛି କାଳବୈଶାଖୀ । ଏଥିରେ ଗାଁର ପ୍ରାୟ 10ରୁ ଊର୍ଦ୍ଧ୍ବ ଜଣଙ୍କର ଘର କ୍ଷୟକ୍ଷତି ହାଇଥିବା ବେଳେ ଜସଦା ଭତ୍ରା ନାମଙ୍କ ଜଣେ ମହିଳାଙ୍କ ଘର ଉପରୁ ଛପର ଉଡି ଘରଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ସେହିଭଳି କିଛି ଦୋକାନ ଘର ମଧ୍ୟ କାଳବୈଶାଖୀରେ କ୍ଷତିଗ୍ରସ୍ତ ହୋଇଛି । ଉମରକୋଟ ଡାବୁଗାଁ ରାଜପଥ ଉପରେ ଗଛପଡ଼ି ରାସ୍ତା ଅବରୋଧ ହୋଇଯାଇଥିଲା । ଯେଉଁଥିପାଇଁ କିଛି ସମୟ ଧରି ରାସ୍ତାରେ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା । ପରେ ଅଗ୍ନିଶମ ବିଭାଗ ଖବରପାଇ ଗଛ ଗୁଡିକକୁ ହଟାଇବା ପରେ ଗାଡି ଚଳାଚଳ ସ୍ବାଭାବିକ ହୋଇଥିଲା ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
