ନବରଙ୍ଗପୁର : ଚୋରକୁ ଖୁଣ୍ଟରେ ବାନ୍ଧିଲେ ଲୋକେ । ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ସିଲାଟି ଗାଁରେ । ଘଟଣାସ୍ଥଳରେ ପୋଲିସ ପହଞ୍ଚି ଅଭିଯୁକ୍ତକୁ ହେପାଜତକୁ ନେଇଛି । ସୂଚନା ଅନୁସାରେ, ସିଲାଟି ଗାଁର ବିଜୟ ସରକାର ତିନି ମାସ ଧରି,ବେନରା, ହୀରାପୁର ଓ ଜାମରଣ୍ଡା ପଞ୍ଚାୟତର ବିଭିନ୍ନ ଦୋକାନରୁ ଚୋରି କରୁଥିଲେ । ଚାରି ଦିନ ତଳେ ଗାଁର ଏକ ମେଡିକାଲ ଷ୍ଟୋରରୁ ଚୋରି କରିଥିବାର ଦୃଶ୍ୟ ସିସିଟିଭିରେ କଏଦ ହୋଇଥିଲା । ସିସିଟିଭିରେ ସେହି ଫଟୋକୁ ଆଧାର କରି ଗ୍ରାମବାସୀ ବିଜୟଙ୍କୁ ଖୁଣ୍ଟରେ ବାନ୍ଧିବା ସହ ତାଙ୍କ ଘରୁ ଚୋରୀ ହୋଇଥିବା ସମସ୍ତ ଜିନିଷ ପାଇଥିଲେ ।
ଚୋରକୁ ଖୁଣ୍ଟରେ ବାନ୍ଧିଲେ ଗାଁଲୋକେ
ପରେ,ଏନେଇ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଉମରକୋଟ ପୋଲିସ ଘଟଣା ସ୍ଥଳରେ ପହଞ୍ଚି ବିଜୟଙ୍କୁ ଉଦ୍ଧାର କରିବା ସହ ସମସ୍ତ ଜିନିଷ ଜବତ କରିଛି। ଜବତ ହୋଇଥିବା ସାମଗ୍ରୀର ମୂଲ୍ୟ ପ୍ରାୟ ତିନି ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି ।
ନବରଙ୍ଗପୁରରୁ ତପନ କୁମାର ବିଷୟୀ, ଇଟିଭି ଭାରତ
