ନବରଙ୍ଗପୁର: ରାଇଘର ସହର ଓ ଗ୍ରାମ ପଞ୍ଚାୟତକୁ 2 ଦିନିଆ ସଟ ଡାଉନ ଘୋଷଣା । ରବିବାର ମଧ୍ୟରାତ୍ରୀରୁ ଆସନ୍ତା 30 ପର୍ଯ୍ୟନ୍ତ ସଟ ଡାଉନ ଘୋଷଣା କଲେ ରାଇଘର ସରପଞ୍ଚ । ପଡୋଶୀ ବ୍ଲକ ଉମରକୋଟରେ ଅଚାନକ କୋରୋନା ଆକ୍ରାନ୍ତଙ୍କ ସଂଖ୍ୟା ବଢିବାରୁ ଏଭଳି ନିଷ୍ପତ୍ତି ନେଇଛନ୍ତି ସରପଞ୍ଚ ସାତ ଗଣ୍ଡ ।
ସଟ ଡାଉନ ସମୟରେ ସମସ୍ତ ଅତ୍ୟାବଶକୀୟ ସାମଗ୍ରୀ ବ୍ୟତୀତ ଅନ୍ୟ ସମସ୍ତ ଦୋକାନ ବଜାର ବନ୍ଦ ରଖିବାକୁ ନିର୍ଦ୍ଦେଶ ରହିଛି । ଆଜି ଏକ ପତ୍ର ମାଧ୍ୟମରେ ନବରଙ୍ଗପୁର ଜିଲ୍ଲାପାଳ, ସ୍ଥାନୀୟ ବିଡିଓ, ଥାନା ଅଧିକାରୀ ଓ ତହସିଲଦାରଙ୍କୁ ସରପଞ୍ଚ ଅବଗତ କରାଇଥିବା ବିଡିଓ ସୂଚନା ଦେଇଛନ୍ତି । ସଂକ୍ରମଣକୁ ରୋକିବାକୁ ସରପଞ୍ଚ ଏଭଳି ପଦକ୍ଷେପ ନେଇଥିବା ବିଡିଓ କହିଛନ୍ତି ।
ରାଇଘର ସହର ଓ ଗ୍ରାମପଞ୍ଚାୟକୁ 2 ଦିନିଆ ସଟ ଡାଉନ ଘୋଷଣା କଲେ ସରପଞ୍ଚ
ସେପଟେ, ସୂଚନା ପାଇବା ପରେ ସଙ୍ଗେ ସଙ୍ଗେ ବିଭାଗୀୟ କର୍ତ୍ତୃପକ୍ଷଙ୍କ ଦ୍ବାରା ଡାକାବାଜି ଯନ୍ତ୍ର ଜରିଆରେ ସାଧାରଣ ଲୋକଙ୍କୁ ଅବଗତ କରାଉଥିବା ଦେଖିବାକୁ ମିଳିଛି।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
