ନବରଙ୍ଗପୁର: ଝୁଲନ୍ତା ଅବସ୍ଥାରେ ପ୍ରେମୀଯୁଗଳଙ୍କ ମୃତଦେହ ଉଦ୍ଧାର । ଏଭଳି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକ୍ ମୋହଣ୍ଡ ପଞ୍ଚାୟତ ଅନ୍ତର୍ଗତ ଦୁଗୁଲିପାରା ଗ୍ରାମରେ ।
ଗ୍ରାମ ଠାରୁ କିଛି ଦୂରରେ ଥିବା ପାହାଡ ନିକଟ ଏକ ଚାଖୁଣ୍ଡା ଗଛରେ ପ୍ରେମୀ ଯୁଗଳ ଏକା ସାଙ୍ଗରେ ଗୋଟିଏ ଓଢଣୀରେ ଝୁଲୁଥିବା ଦେଖିବାକୁ ପାଇଥିଲେ ଗ୍ରାମବାସୀ । ପରେ ଏନେଇ ରାଇଘର ପୋଲିସକୁ ଖବର ଦେଇଥିଲେ । ଯୁବକ ଜଣକ ଦୁଗୁଲିପାରା ଗ୍ରାମର ହୋଇଥିବାବେଳେ ଯୁବତୀ ଜଣକ ଘର ନିକଟସ୍ଥ ବିଡିସାରି ଗ୍ରାମର ବୋଲି ଜଣାପଡିଛି ।
ଝୁଲନ୍ତା ଅବସ୍ଥାରେ ପ୍ରେମୀଯୁଗଳଙ୍କ ମୃତଦେହ ଉଦ୍ଧାର, ପୋଲିସର ତଦନ୍ତ
ସେପଟେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ତେବେ ଏହା ଆତ୍ମହତ୍ୟା ନା ହତ୍ୟା ତାର ସତ୍ୟତା ଜାଣିବାକୁ ତଦନ୍ତ ଆରମ୍ଭ କରିଥିବା ଜଣାପଡିଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
