ନବରଙ୍ଗପୁର: ଶିକ୍ଷାର ମାନ ବୃଦ୍ଧି କରିବା ପାଇଁ ଅନେକ ଯୋଜନା କରୁଛନ୍ତି ସରକାର । ହେଲେ ବାସ୍ତବ ଚିତ୍ର କିନ୍ତୁ ଭିନ୍ନ ଅଟେ । ସ୍କୁଲରେ ପାଠପଢା ବଦଳରେ ମୋରମ ବୋହି ରାସ୍ତା ମରାମତି କରୁଛନ୍ତି ଛାତ୍ର । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅନ୍ତର୍ଗତ କାଚରାପାରା-୩ ପଞ୍ଚାୟତର ଉଡଣ୍ଡି ପ୍ରାଥମିକ ବିଦ୍ୟାଳୟରେ ।
ନବରଙ୍ଗପୁର ପାଠପଢା ପରିବର୍ତ୍ତେ ସ୍କୁଲ ମରାମତିରେ ଲାଗିଛନ୍ତି ଛାତ୍ର
ସୂଚନା ଅନୁସାରେ, ଉଡଣ୍ଡି ପ୍ରାଥମିକ ବିଦ୍ୟାଳୟର କିଛି ଛାତ୍ର କୋଦାଳ ଧରି ମୋରମ ବୋହି ନେଇ ବିଦ୍ୟାଳୟ ଭିତରେ ଥିବା ଖାଲ ଗୁଡ଼ିକରେ ପକାଇ ମରାମତି କରୁଥିବା ଦେଖିବାକୁ ମିଳିଛି । ଏହି କାମ ପାଇଁ ପ୍ରଧାନ ଶିକ୍ଷକ ଆଦେଶ ଦେଇଥିବା ଅଭିଯୋଗ ହୋଇଛି । ତେବେ କୋମଳମତି ଶିଶୁମାନଙ୍କୁ ପାଠପଢା ପରିବର୍ତ୍ତେ ଏସବୁ କାର୍ଯ୍ୟ କରାଇବା ଠିକ ନୁହେଁ ବୋଲି ଅଭିଯୋଗ ହୋଇଛି । ଅନ୍ଯପଟେ ତଦନ୍ତ କରି କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ସ୍ଥାନୀୟ ବ୍ଲକ ଶିକ୍ଷା ଅଧିକାରୀ କହିଥିବା ବେଳେ ସ୍କୁଲ ଶିକ୍ଷକଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।
ଇଟିଭି ଭାରତ, ନବରଙ୍ଗପୁର
