ନବରଙ୍ଗପୁର: ଡ଼ାବୁଗାଁ ଥାନା ସରାଗୁଡ଼ା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା (4 Killed As Car Rams Into Tree In Nabarangpur) । ଭାରସାମ୍ୟ ହରାଇ ଗଛକୁ ପିଟିଲା କାର । ଫଳରେ ଘଟଣାସ୍ଥଳରେ 3 ଜଣଙ୍କ ମୃତ୍ୟୁ ହୋଇଥିବା ବେଳେ ମେଡିକାଲ ନେବା ବାଟରେ ଅନ୍ୟଜଣଙ୍କ ମୃତ୍ୟୁ ହୋଇଛି । ସେହପରି ଆଉ ଜଣେ ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ଭାରସାମ୍ୟ ହରାଇ ଗଛକୁ ପିଟିଲା କାର
ମିଳିଥିବା ସୂଚନା ଅନୁଯାୟୀ, ଶୁକ୍ରବାର ବିଳମ୍ବିତ ରାତିରେ ଉମରକୋଟ ଠାରୁ ନବରଙ୍ଗପୁରକୁ ଆସୁଥିଲା କାର । ଏହି ସମୟରେ ସରାଗୁଡ଼ା ନିକଟ ବୁଲାଣିରେ କାରଟି ଭାରସାମ୍ୟ ହରାଇ ଗଛରେ ପିଟି ହୋଇଥିଲା । ଏନେଇ ଖବର ପାଇଁ ଘଟଣା ସ୍ଥଳରେ ଡାବୁଗାଁ ପୋଲିସ ପହଞ୍ଚି ମୃତଦେହ ଜବତ କରିବା ସହ ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲା । ଚାରି ମୃତକ ହେଉଛନ୍ତି ନବରଙ୍ଗପୁର ସହର ଗାଦୁଆଗୁଡ଼ାର ଏମଡି ସଦାମ, ରବିନ ହିଆଲ, ଏମଡି ଅନସର ଓ ସବନ ହିଆଲ୍ । ଆହତଙ୍କ ପରିଚୟ ମିଳିପାରି ନାହିଁ ।
ଇଟିଭି ଭାରତ, ନବରଙ୍ଗପୁର
