ନବରରଙ୍ଗପୁର: ଦୁଇ ମାସ ହେବ ଡାକ୍ତରଙ୍କ ଦେଖା ନାହିଁ । ଯେଉଁକାରଣରୁ ଦିବ୍ୟାଙ୍ଗମାନେ ମୁଖ୍ୟ ଚିକିତ୍ସାଳୟରେ ଆସି ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ତେବେ ପ୍ରତ୍ୟେକ ମାସ 18 ତାରିଖରେ ଦିବ୍ୟାଙ୍ଗମାନେ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଆସି ସେମାନଙ୍କ ଭିନ୍ନକ୍ଷମ ସାର୍ଟିଫିକେଟ ଆବେଦନ କରିବା ସହ କିଛି ଭିନ୍ନକ୍ଷମ ସାର୍ଟିଫିକେଟ ଗ୍ରହଣ କରିଥା'ନ୍ତି । ମାତ୍ର ଦୁଃଖର ବିଷୟ ଗତ ଦୁଇମାସ ହେବ ଭିତରେ କୌଣସି ଡାକ୍ତରଙ୍କ ଦେଖାନାହିଁ । ଯାହାକୁ ନେଇ ବାରମ୍ବାର ଡାକ୍ତରଖାନା ଆସି ଏମାନେ ନିରାଶ ହୋଇ ଫେରୁଛନ୍ତି ।
ସୂଚନା ଅନୁଯାୟୀ, ନବରରଙ୍ଗପୁର ମୁଖ୍ୟ ଚିକିତ୍ସାଳୟକୁ କୋରାପୁଟ ଜିଲ୍ଲାର ଡାକ୍ତର ଆସିଥା'ନ୍ତି । କିନ୍ତୁ ଗତ ଦୁଇମାସ ହେବ କ'ଣ ପାଇଁ ଡାକ୍ତର ଆସୁନାହାନ୍ତି ତାହାର ଖବର କାହା ପାଖରେ ନାହିଁ ।
ପୂର୍ବରୁ ଚାନ୍ଦହାଣ୍ଡି, ଉମରକୋଟ, ରାଇଘର, ଡାବୁଗାଁ ,ବିଭିନ୍ନ ସ୍ଥାନରୁ ଦିବ୍ୟାଙ୍ଗମାନେ ଡାକ୍ତରଖାନା ଆସିଥିଲେ ମାତ୍ର ସେଠାରେ ଡାକ୍ତରକୁ ନପାଇଁ ବିରକ୍ତ ହୋଇ ଜିଲ୍ଲାପାଳ କାର୍ଯ୍ୟାଳୟକୁ ଯାଇଥିଲେ । ସେଠାରେ ଜିଲ୍ଲାପାଳଙ୍କୁ ନପାଇଁ ସମସ୍ତ ଦିବ୍ୟାଙ୍ଗ ନିରାଶ ହୋଇ ଫେରିଥିଲେ ।
ତେବେ ଶୁକ୍ରବାର ଜିଲ୍ଲାପାଳ ଫିଲ୍ଡରେ ଥିବାର ଖବରପାଇଁ ଜିଲ୍ଲାପାଳଙ୍କ ପିଏଙ୍କୁ ଏକ ଲିଖିତ ଅଭିଯୋଗ ଦେଇଛନ୍ତି ଏହି ଦିବ୍ୟାଙ୍ଗ । ଏବେ ଦେଖିବାକୁ ବାକି ରହିଲା ଜିଲ୍ଲାପାଳ କେବେ ବୁଝୁଛନ୍ତି ଏହି ଅସହାୟଙ୍କ ଦୁଃଖ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
