ଗାଈ ଚରାଇବାବେଳେ ବଜ୍ରାଘାତ, ଯୁବକ ମୃତ

ଗାଈ ଚରାଇବାବେଳେ ବଜ୍ରାଘାତରେ ଜଣେ ଯୁବକ ମୃତ । ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ଡାବୁଗାଁ ପୋଲିସ ।

ନବରଙ୍ଗପୁର: ଉମରକୋଟ ଅନ୍ତର୍ଗତ କାରାଗାଁ ଗାଁରେ ଅଘଟଣ । ବଜ୍ରାଘାତରେ ଜଣେ ଯୁବକ ମୃତ l ମୃତ ଯୁବକ ହେଲେ ଅସ୍ତୁ ଭତରା l

ସୂଚନାନୁଯାୟୀ, ଅସ୍ତୁ ଗାଈ ଚରେଇବାକୁ ନଦୀ କୂଳକୁ ଯାଇଥିବାବେଳେ ବଜ୍ରାଘାତର ଶିକାର ହୋଇଥିଲେ । ପରିବାର ଲୋକେ ସଙ୍ଗେସଙ୍ଗେ ତାଙ୍କୁ ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ପରେ ଡାବୁଗାଁ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ