ନବରଙ୍ଗପୁର: ଜିଲ୍ଲାରୁ ଆଉ ଏକ ବଧୂ ହତ୍ୟା ଘଟଣା ଦେଖିବାକୁ ମିଳିଛି । ପାପଡାହାଣ୍ଡି ଗାଁରେ ଯୌତୁକ ଜନିତ ବଧୂ ହତ୍ୟା ହୋଇଥିବା ଘଟଣା ଗୁରୁବାର ସକାଳେ ଜଣାପଡିଥିଲା । ପରେ ପୁଣି ଏକ ଅନୁରୂପ ଘଟଣା ରାଇଘର ଥାନା ଅନ୍ତର୍ଗତ ସରଗୁଲି, ଡି.ଏନ.କେ ଗାଁରେ ଜଣେ ନଵ ବିବାହିତାଙ୍କୁ ଶାଶୁ ଘର ଲୋକ ବେକରେ ଶାଢ଼ୀ ଲଗାଇ ଫ୍ୟାନରେ ଟାଙ୍ଗି ଦେଇଥିବା ନବବଧୂର ପରିବାର ଅଭିଯୋଗ କରିଛନ୍ତି ।
୪ ମାସ ତଳେ ଉମରକୋଟ ଥାନା ଚାଟିଗୁଡା ଗାଁର ନାରାୟଣ ସର୍ଦାରଙ୍କ ୧୯ ବର୍ଷର ଝିଅ ଅପର୍ଣ୍ଣାଙ୍କୁ ରାଇଘର ଥାନା ସରଗୁଲି ଗାଁର ପ୍ରଦୀପ ମଣ୍ଡଳଙ୍କ ୨୫ ବର୍ଷର ପୁଅ ଜୟନ୍ତ ମଣ୍ଡଳ, ଅପର୍ଣ୍ଣାଙ୍କ ପରିବାରର ଅନିଚ୍ଛା ସତ୍ତ୍ୱେ ଗତ ୪ ମାସ ତଳେ ଅପର୍ଣ୍ଣାଙ୍କୁ ବାହା ହୋଇଥିଲେ। ଦୁଇ ଜଣ ନବ ବିବାହିତ ଖୁସିରେ ଥିଲେ ଏବଂ ଅପର୍ଣ୍ଣାଙ୍କ ବ୍ୟବହାର ମଧ୍ୟ ଅତ୍ୟନ୍ତ ଭଲ ଥିଲା । କିନ୍ତୁ ହଠାତ କଣ ହୋଇଥିଲା ଯେ, ସକାଳୁ ଏଭଳି ଘଟଣା ଘଟିଥିଲା । ତେବେ ଅପର୍ଣ୍ଣାଙ୍କ ପରିବାର ଜ୍ୱାଇଁ ଓ ତାଙ୍କ ପରିବାର ଲୋକେ ଅପର୍ଣ୍ଣାଙ୍କୁ ହତ୍ୟା କରିଥିବା ନେଇ ଅଭିଯୋଗ ଆଣିଛନ୍ତି । ରାଇଘର ପୋଲିସ ଅପର୍ଣ୍ଣାଙ୍କ ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
