ନବରଙ୍ଗପୁର: ଭୁଶୁଡ଼ିଲା ଘରର କାନ୍ଥ । ଭାଙ୍ଗିଲା କାର୍ । ଅଳ୍ପକେ ବର୍ତ୍ତିଲେ ପରିବାର ଲୋକେ । ଏଭଳି ଏକ ଘଟଣା ଘଟିଛି ନବରଙ୍ଗପୁର ସହରର ଇଚ୍ଛାବତୀଗୁଡା ସାହିରେ । ଗ୍ରାମର ଗୁପ୍ତେଶ୍ବର ମିଶ୍ରଙ୍କ ଘରର ଏକ ବିରାଟ କାନ୍ଥ ହଠାତ ଭୁଶୁଡ଼ି ପଡିବାରୁ ଏକ କାର ଭାଙ୍ଗି ଚୁରମାର ହୋଇଯାଇଛି କିନ୍ତୁ ପରିବାର ଲୋକେ ଅଳ୍ପକେ ବର୍ତ୍ତିଯାଇଥିବା ଜଣାପଡିଛି । ତେବେ କାନ୍ଥ ଭାଙ୍ଗିଯିବା ଫଳରେ ଘରର ବଳକା ଅଂଶ ଏବେବି ବିପଦ ସଙ୍କୁଳ ଅବସ୍ଥାରେ ଅଛି।
କାନ୍ଥ ଭୁଶୁଡ଼ି ଭାଙ୍ଗିଲା କାର, ଅଳ୍ପକେ ବର୍ତ୍ତିଲେ ପରିବାର ଲୋକ
ମିଳିଥିବା ସୂଚନା ଅନୁଯାଇ କିଛିଦିନ ତଳେ ଲଗାତର ବର୍ଷା ହେବା ଫଳରେ କାନ୍ଥ ଭିଜି ଯାଇଥିଲା। ଯାହା ଫଳରେ ଗାଧୁଆ ଗୃହର ପିଲର ଦୁର୍ବଳ ଥିବାରୁ ଏପରି ଘଟଣା ଘଟିଥିବା ଜଣାପଡିଛି। କାର ମାଲିକ ଫାଲଗୁନି ନାୟକ କହିଛନ୍ତି ସେ ପେଟ୍ରୋଲ ପକାଇ ଘର ନିକଟରେ କାର ଟିକୁ ପାର୍କିଂ କରିଥିବା ବେଳେ ଏପରି ଦୁର୍ଘଟଣା ଘଟିଛି।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
