ନବରଙ୍ଗପୁର: ବିଜେଡିର ପ୍ରତିଷ୍ଠା ଦିବସ( BJD Foundation Day)ରେ ହଟହଟା ହେଲେ ନବରଙ୍ଗପୁର ସାଂସଦ ଓ ଡାବୁଗାଁ ବିଧାୟକ (Nabarangpur MP and Dabugan MLA) । ଗତକାଲି ସନ୍ତୋଷପୁରକୁ ସାଂସଦ ରମେଶ ମାଝୀ ଓ ଡାବୁଗାଁ ବିଧାୟକ ଯାଉଥିବା ବେଳେ କୋଷାଗୁମୁଡ଼ା ଗ୍ରାମରେ କିଛି ଯୁବକ ଉଭୟଙ୍କୁ ରାସ୍ତାରେ ଅଟକାଇ ଅସନ୍ତୋଷ ଜାହିର କରି ପ୍ରଶ୍ନ ବାଣରେ ଘେରିଥିଲେ । କାହିଁକି ସଦର ବ୍ଲକ ମହକୁମା ଠାରେ ହେବାକୁ ଥିବା ବସଷ୍ଟାଣ୍ଡକୁ କୋଡ଼ିଙ୍ଗା ଗ୍ରାମକୁ ସ୍ଥାନାନ୍ତର କରାଗଲା ସେନେଇ ପ୍ରଶ୍ନ କରିଥିଲେ ଯୁବକ ମାନେ । ଏନେଇ ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି ।
ସୂଚନାନୁଯାୟୀ, କୋଷାଗୁମୁଡା ସଦର ବ୍ଲକ ମହକୁମା ଠାରେ ଏକ ସ୍ମାର୍ଟ ବସଷ୍ଟାଣ୍ଡ ନିର୍ମାଣ ହେବାକୁ ପ୍ରସ୍ତାବ ଥିବା ବେଳେ ଏହାକୁ ବ୍ଲକର କୋଡ଼ିଙ୍ଗା ଗ୍ରାମକୁ ସ୍ଥାନାନ୍ତର କରାଯାଇଥିଲା । ଯାହାକୁ ନେଇ କୋଷାଗୁମୁଡ଼ାର ଯୁବକ ମାନେ ଘୋର ବିରୋଧ କରିଥିଲେ । ରାଜନୀତିକରଣ କରି ଏହି ପ୍ରସ୍ତାବିତ ସ୍ମାର୍ଟ ବସଷ୍ଟାଣ୍ଡକୁ କୋଡ଼ିଙ୍ଗା ଗ୍ରାମକୁ ସ୍ଥାନାନ୍ତର କରାଯାଇଥିବା ଅଭିଯୋଗ କରିଥିଲେ ଯୁବକ ମାନେ । ଯଦି କୋଷାଗୁମୁଡ଼ା ଠାରେ ବସ ଷ୍ଟାଣ୍ଡ ନିର୍ମାଣ କରାନଯାଏ ତେବେ ଆଗାମୀ ଦିନରେ ଭୋଟ ବର୍ଜନର ଚେତାବନୀ ଦେଇଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
