ନବରଙ୍ଗପୁର: ନୂଆ ଜିଲ୍ଲାପାଳ ଭାବେ ଆଜି ଦାୟିତ୍ବ ଗ୍ରହଣ କରିଛନ୍ତି କମଲ ଲୋଚନ ମିଶ୍ର । ପ୍ରଥମେ ନବରଙ୍ଗପୁରରେ ପହଞ୍ଚିବା ପରେ ଅଧିଷ୍ଠାତ୍ରୀ ଦେବୀ ମାଆ ଭଣ୍ଡାର ଘରଣୀଙ୍କୁ ଦର୍ଶନ କରିଥିଲେ । ଜିଲ୍ଲା କାର୍ଯ୍ୟାଳୟରେ ପହଞ୍ଚିବା ପରେ ଅତିରିକ୍ତ ଜିଲ୍ଲାପାଳ ଭାସ୍କର ରଇତ ତାଙ୍କୁ ସ୍ବାଗତ କରିଥିଲେ ।
ନୂତନ ଜିଲ୍ଲାପାଳ ଭାବେ କାର୍ଯ୍ୟଭାର ଗ୍ରହଣ କରିବା ପରେ କମଲ ଲୋଚନ ମିଶ୍ର ଜିଲ୍ଲାର ସାମୂହିକ ବିକାଶ ପାଇଁ ସମସ୍ତଙ୍କ ସହଯୋଗ କାମନା କରିଛନ୍ତି । ଜିଲ୍ଲାର ପ୍ରତିଟି ବ୍ୟକ୍ତି ବିଶେଷ କିପରି ସମସ୍ତ ସୁବିଧା ସୁଯୋଗ ପାଇବେ ସେ ବିଷୟରେ ଗୁରୁତ୍ବାରୋପ କରିବେ ବୋଲି କହିଛନ୍ତି ଜିଲ୍ଲାପାଳ କମଲ ଲୋଚନ ମିଶ୍ର । ଜିଲ୍ଲାପାଳଙ୍କ ସ୍ବାଗତ କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଉପଜିଲ୍ଲାପାଳ ନିର୍ମଳ ନାୟକ, ଅନାମିକା ପାଣ୍ଡେ, ଜିଲ୍ଲା ଜରୁରୀକାଳୀନ ଅଧିକାରୀ ମୌସୁମୀ ନାୟକ, ସହାୟକ ଜିଲ୍ଲାପାଳ ବାବୁଲାଲ ସାମଲ, ପୁଷ୍ପାଞ୍ଜଳି ଦଣ୍ଡପାଟ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ହଳଧର ନିହାଲ ସମେତ ଜିଲ୍ଲାପାଳଙ୍କ ବ୍ୟକ୍ତିଗତ ସହାୟକ ଏ ସୁରେଶ ଉପସ୍ଥିତ ଥିଲେ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
