ସୁନ୍ଦରଗଡ: ସୁନ୍ଦରଗଡ ସଦର ଥାନା ଅନ୍ତର୍ଗତ ନବରଙ୍ଗପୁରରେ ସ୍ବାମୀର ଉନ୍ମତ୍ତ କାଣ୍ଡ । ରାଜୁ ଏକ୍କା ନାମକ ଅଭିଯୁକ୍ତ ନିଜ ସ୍ତ୍ରୀ ନିୟତି ଏକ୍କାକୁ ଗତାକଲି(ମଙ୍ଗଳବାର) ରାତିରେ କରିଛି ହତ୍ୟା । ଘରୋଇ କଳହକୁ କେନ୍ଦ୍ର କରି ଗତକାଲି ସଦର ଥାନାରେ ହଞ୍ଚିଥିଲେ ଦମ୍ପତି ।
ତେବେ ସେଠାରୁ ଆସି ଘରେ ପହଞ୍ଚି ସ୍ବାମୀ କରିଛି ଏହି ଜଘନ୍ୟକାଣ୍ଡ । ପୋଲିସର ବୁଝାସୁଝାକୁ ଦେଇଛି ଶକ୍ତ ଧକ୍କା । ଥାନାରୁ ଫେରିବା ପରେ ପୁଣି ଆରମ୍ଭ ହୋଇଥିଲା ଦୁହିଙ୍କ ମଧ୍ୟରେ ଝଗଡା । ଏଥିରେ ଉତକ୍ଷିପ୍ତ ହୋଇ ରାଜୁ ନିଜ ପୁଅ ସମ୍ମୁଖରେ ଟାଙ୍ଗିଆ ଚୋଟରେ ତା’ ସ୍ତ୍ରୀକୁ ହତ୍ୟା କରିଥିଲା।
ହତ୍ୟାକରିବା ପରେ ରାଜୁ ମଦ ନିଶାରେ ଅନ୍ୟର ଘରେ ଯାଇ ଆଶ୍ରୟ ନେଇଥିଲା । ତେବେ ମୃତ ନିୟତିର ପୁଅ ଏକଥା ପଡୋଶୀଙ୍କୁ କହିବାରୁ ଆଜି ଥାନାକୁ ପହଞ୍ଚିଥିଲା ସୂଚନା ।
ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ହତ୍ୟାକାଣ୍ଡରେ ବ୍ୟବହାର ହୋଇଥିବା ଟାଙ୍ଗିଆକୁ ମଧ୍ୟ ଜବତ କରିଛି । ଏହା ସହ ଶବକୁ ଜବତ କରି ବ୍ୟବଚ୍ଛେଦ ପାଇଁ ସୁନ୍ଦରଗଡ ମୁଖ୍ୟ ଡାକ୍ତରଖାନାକୁ ପଠାଇଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
