ନବରଙ୍ଗପୁର: ଭୟାବହ ଅଗ୍ନିକାଣ୍ଡରେ 2 ବଖରା ପୋଡି ପାଉଁଶ । ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଅନ୍ତର୍ଗତ ଝାଡବନ୍ଧଗୁଡା ପଞ୍ଚାୟତର ମୁଦୁଲିଗୁଡା ଗ୍ରାମରେ ହୋଇଥିବା ଅଗ୍ନିକାଣ୍ଡରେ ଘରର ସମସ୍ତ ଆସବାବପତ୍ର ସମେତ ଧାନ ଚାଉଳ ସବୁ ପୋଡିଜଳି ନଷ୍ଟ ହୋଇଯାଇଛି । ଏହାସହ 40 ଗୋଟି ଦେଶୀ କୁକୁଡ଼ା ଜୀବନ୍ତଦଗ୍ଧ ପାଉଁଶ ହୋଇଯାଇଛନ୍ତି ।
ଗତକାଲି ବିଳମ୍ବିତ ରାତିରେ ସନ୍ତୋଷ ବିଷୋୟୀଙ୍କ ଘରେ ହଠାତ୍ ନିଆଁ ଲାଗି ଯାଇଥିଲା । ଏଥିରେ ସନ୍ତୋଷ ବିଷୋୟୀଙ୍କ ଦୁଇ ବଖରା ଘର ମଧ୍ୟ ପୋଡିଯାଇଛି । ଖବର ପାଇ ଘଟଣାସ୍ଥଳକୁ ଦମକଳଗାଡ଼ି ଯାଇ ନିଆଁକୁ ଆୟତ କରିଛି କିନ୍ତୁ ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ । ସୂଚନା ଅନୁସାରେ, ସନ୍ତୋଷ ନିଜ ପରିବାର ସହ ଶନିବାର ରାତିରେ ଖାଇ ସାରି ଭଉଣୀ ଘରେ ରହିଥିଲେ ।
ହଠାତ ଏହି ସମୟରେ ସନ୍ତୋଷଙ୍କ ଘରେ ନିଆଁ ଲାଗି ଯାଇଥିଲା । ତେବେ ସନ୍ତୋଷଙ୍କ ପତ୍ନୀ ଏବେ ଗର୍ଭବତୀ ଥିବାବେଳେ ଏ ଅବସ୍ଥାରେ ତାଙ୍କୁ ନେଇ କେଉଁଠି ରହିବେ । ସେନେଇ ସନ୍ତୋଷ ବିଷୋୟୀ ଚିନ୍ତାରେ ଥିବାବେଳେ ଜିଲ୍ଲା ପ୍ରଶାସନ ପକ୍ଷରୁ ଆର୍ଥିକ ସହାୟତା ଦେବା ପାଇଁ ଗ୍ରାମବାସୀ ଦାବି କରିଛନ୍ତି।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
